വിവാഹ വാഗ്ദാനം നല്‍കി സ്കൂള് വിദ്യാര്‍ത്ഥിനികളെ പീഡിപ്പിച്ച യുവാവ്‌ അറസ്റ്റില്‍
February 22, 2020 7:00 pm
0
തിരുവനന്തപുരം: വിവാഹവാഗ്ദാനം നല്‍കി സ്കൂള് വിദ്യാര്‍ത്ഥിനികളെ പീഡിപ്പിച്ച യുവാവിനെ ഫോര്‍ട്ട് പൊലീസ് അറസ്റ്റ് ചെയ്തു. മണക്കാട് കാലടി ശബരി ലെയിനില്‍ ടിസി 50-480 ശ്രീലക്ഷ്മിയില്‍ അരുണ്‍ (21) ആണ് പോക്സോ നിയമപ്രകാരം പിടിയിലായത്.
പ്രണയം നടിച്ചു പ്രായപൂര്‍ത്തിയാകാത്ത പെണ്‍കുട്ടികളെ വീട്ടില്‍ എത്തിച്ചു പീഡിപ്പിച്ചു എന്നാണ് യുവാവിന് എതിരെയുള്ള കേസ്. അശ്ലീല ചിത്രങ്ങള്‍ പകര്‍ത്താന്‍ ഉപയോഗിച്ച പെന്‍ഡ്രൈവ് പൊലീസ് കണ്ടെത്തി. പൂജപ്പുരയിലെ മോഷണ കേസില്‍ പിടിയിലായതിന് ശേഷമാണ് ഇയാള്‍ക്കെതിരെ പെണ്‍കുട്ടിയുടെ വീട്ടുകാര്‍ പരാതി നല്‍കിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
