adminബംഗാള് ഉള്ക്കടലില് ചക്രവാതച്ചുഴി; നാളെ ന്യൂനമര്ദ്ദമായേക്കും; സംസ്ഥാനത്ത് കനത്ത മഴ തുടരും
ബംഗാള് ഉള്ക്കടലില് രൂപപ്പെട്ട ചക്രവാതച്ചുഴി നാളെ ന്യൂനമര്ദ്ദമായി മാറിയേക്കുമെന്ന് ഏറ്റവും പുതിയ വിവരം. സംസ്ഥാനത്ത് തിങ്കളാഴ്ച വരെ കനത്ത മഴ തുടരും. എല്ലാ ജില്ലകളിലും ഇന്ന് യെല്ലോ അലര്ട്ടാണ്. നാളെ ആറ് ജില്ലകളില് ഓറഞ്ച് അലര്ട്ടും പ്രഖ്യാപിച്ചു. അതിശക്തമായ കാറ്റിന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. മത്സ്യത്തൊഴിലാളികള് കടലില് പോകരുതെന്നും നിര്ദേശമുണ്ട്. വടക്ക് പടിഞ്ഞാറന് ബംഗാള് ഉള്കടലില് ആന്ധ്രാപ്രദേശ്–ഒഡീഷ തീരത്തായി നാളെയോടെ ന്യൂനമര്ദ്ദം രൂപപ്പെടാന് സാധ്യതയുണ്ട്. കേരളത്തില് ശക്തമായ കാറ്റിനും മഴയ്ക്കും ഇത് കാരണമായേക്കും.
