കന്നിമാസ പൂജകൾ പൂർത്തിയാക്കി ശബരിമല ക്ഷേത്രനട ഇന്ന് അടയ്ക്കാനിരിക്കെ, സന്നിധാനത്ത് അരവണ പ്രസാദക്ഷാമം അതിരൂക്ഷം. ആവശ്യത്തിന് കരുതൽ ശേഖരം ഇല്ലാത്തതിനാൽ ഒട്ടേറെ അയ്യപ്പഭക്തർ പ്രസാദം ലഭിക്കാതെ വെറുംകൈയോടെ മലയിറങ്ങേണ്ടി വരുന്ന സാഹചര്യമാണ് നിലവിലുള്ളത്. മണ്ഡലകാല തീർഥാടനത്തിന് മുന്നോടിയായി അരവണ പ്ലാന്റിൽ നവീകരണ ജോലികളും അറ്റകുറ്റപ്പണികളും നടക്കുന്നതിനാൽ ഉത്പാദനം താത്കാലികമായി നിർത്തിവച്ചിരിക്കുകയാണ്. ഈ മാറ്റങ്ങൾ മുൻകൂട്ടി കണ്ട് മതിയായ കരുതൽ ശേഖരം ഉറപ്പാക്കുന്നതിൽ തിരുവിതാംകൂർ ദേവസ്വം ബോർഡിന് ഉണ്ടായ ഗുരുതര വീഴ്ചയാണ് ഈ പ്രതിസന്ധിക്ക് കാരണമെന്ന് ആക്ഷേപം ഉയർന്നിട്ടുണ്ട്. […]