പ്രതിദിന കോവിഡ് രോഗികളുടെ എണ്ണം 40,000ത്തിലേക്ക്; കോവിഡ് രണ്ടാം വരവിന്‍റെ ചൂടറിഞ്ഞ് ഇന്ത്യ
March 19, 2021 11:58 am
0
ന്യൂഡല്‍ഹി: രാജ്യത്ത് പ്രതിദിന കോവിഡ് രോഗികളുടെ എണ്ണം 40,000ത്തോട് അടുക്കുന്നു. 39,726 പേര്‍ക്കാണ് കഴിഞ്ഞ 24 മണിക്കൂറിനിടെ കോവിഡ് ബാധിച്ചത്. 20,654 പേര്‍ രോഗമുക്തരായി. 154 പേര്‍ രോഗം ബാധിച്ച്‌ മരിച്ചു. കഴിഞ്ഞ ദിവസവുമായി താരതമ്യം ചെയ്യുേമ്ബാള്‍ 11 ശതമാനമാണ് കോവിഡ് രോഗികളുടെ എണ്ണത്തിലുണ്ടായ വര്‍ധന.
1,15,14,331 പേര്‍ക്ക് ഇതുവരെ കോവിഡ് സ്ഥിരീകരിച്ചിട്ടുണ്ട്. 1,10,83,679 പേര്‍ക്ക് രോഗമുക്തിയുണ്ടായി. 2,71,282 പേരാണ് നിലവില്‍ ചികില്‍സയിലുള്ളത്. 1,59,370 പേര്‍ ഇതുവരെ രോഗം ബാധിച്ച്‌ മരിക്കുകയും ചെയ്തിട്ടുണ്ട്.
അതേസമയം, 3,93,39,817 പേര്‍ക്ക് ഇതുവരെ വാക്സിന്‍ നല്‍കിയിട്ടുണ്ടെന്നും ആരോഗ്യമന്ത്രാലയം അറിയിച്ചു. ഇന്ത്യയില്‍ കോവിഡിന്‍റെ രണ്ടാം വ്യാപനമാണ് ഇപ്പോഴുണ്ടാകുന്നതെന്ന് ആരോഗ്യമന്ത്രാലയത്തിന്‍റെ വിലയിരുത്തല്‍. കര്‍ശന നടപടി സ്വീകരിച്ചില്ലെങ്കില്‍ കോവിഡ് അതിരൂക്ഷമാകുമെന്ന് പ്രധാനമന്ത്രിയും മുന്നറിയിപ്പ് നല്‍കിയിരുന്നു.
