മുക്കുപണ്ടം പണയംവെച്ച്‌ ഒരു കോടിയോളം തട്ടി; ബാങ്ക് അപ്രൈസർ അറസ്റ്റിൽ
October 21, 2024 12:17 pm
0
ചവറ: സ്വർണപ്പണയ വായ്പക്കായി എത്തിയവരുടെ പേരിൽ മുക്കുപണ്ടം പണയം വെച്ച്‌ ഒരു കോടി രൂപയുടെ തട്ടിപ്പ് നടത്തിയ കേസിൽ ബാങ്ക് അപ്രൈസർ അറസ്റ്റിൽ. തെവലക്കര, ഇന്ത്യൻ ബാങ്കിൽ ജോലി ചെയ്തിരുന്ന ജീവനക്കാരൻ തെവലക്കര പാലക്കൽ തെക്കടത് കിഴക്കതിൽ അജിത്തിനെയാണ് (47) കോയമ്പത്തൂരിൽ നിന്ന്‌ പൊലീസ് പിടികൂടിയത്.
ബാങ്കിന്റെ സോണൽ ഓഡിറ്റ് നടക്കുന്നതിനിടെ മുക്കുപണ്ടങ്ങൾ ഉപയോഗിച്ച്‌ 1 കോടി രൂപയോളം തട്ടിയെടുത്തതായാണ് കണ്ടെത്തിയത്. ഓഡിറ്റ് നടക്കുന്നതറിഞ്ഞയുടൻ അജിത്‌ ബംഗളൂരുവിലേയും രാജസ്ഥാനിലേയും ചാവുകൾക്കായി ഒളിവിൽ പോയിരുന്നു. കഴിഞ്ഞ ദിവസം കോയമ്പത്തൂരിലെത്തിയ വിവരം ലഭിച്ചതിനെ തുടർന്നാണ്‌ അദ്ദേഹത്തെ പിടികൂടിയത്.
കറുനാഗപ്പള്ളി എ.സി.പി. അഞ്ജലി ഭാവനയുടെ മേൽനോട്ടത്തിൽ ചവറ തെക്കുഭാഗം എസ്.എച്ച്.ഒ. ശ്രീകുമാർ, എ.എ.എസ്.ഐ. സജിമോൻ, ഉണ്ണി, രഞ്ജിത്ത്, എസ്.സി.പി.ഒ. അനീഷ്, വിനീഷ്, രാജീവ് എന്നിവരടങ്ങിയ സംഘമാണ്‌ കോയമ്പത്തൂർ വാളയാർ പൊലീസ് സഹകരണത്തോടെ അജിത്തിനെ പിടികൂടിയത്. തട്ടിപ്പിൽ സഹകരിച്ച മറ്റൊരു ബാങ്ക് ജീവനക്കാരനെ ചോദ്യം ചെയ്യുന്നതോടെ കൂടുതൽ പേരുടെ അറസ്റ്റ് ഉണ്ടാകുമെന്ന്‌ പൊലീസ് അറിയിച്ചു.
