ശബരിമല മണ്ഡലകാലത്ത് സന്നിധാനത്തും പമ്പയിലുമായി കച്ചവടം നടത്തുന്നതിനുള്ള 110 കടമുറികളുടെ ഇ-ടെൻഡർ അട്ടിമറിച്ച സംഭവത്തിൽ ദേവസ്വം വിജിലൻസ് അന്വേഷണം ശക്തമാക്കി. കേസിൽ സംശയനിഴലിലുള്ള ദേവസ്വം ബോർഡ് ആസ്ഥാനത്തെ ഉദ്യോഗസ്ഥരുടെ മൊഴി ഇന്ന് വിജിലൻസ് സംഘം രേഖപ്പെടുത്തും. മണ്ഡലകാലത്ത് കടകൾ അനുവദിക്കുന്നതിനായി സുതാര്യത ഉറപ്പാക്കാൻ ഏർപ്പെടുത്തിയ ഓൺലൈൻ ലേല നടപടികളാണ് ചില ഉദ്യോഗസ്ഥരുടെയോ കരാറുകാരുടെയോ ഇടപെടലിലൂടെ വിവാദത്തിലായത്. ടെൻഡറിൽ പങ്കെടുത്തവരുടെ പേരുവിവരങ്ങളും അവർ രേഖപ്പെടുത്തിയ തുകയും ചില കരാറുകാരുടെ ഫോണിലേക്ക് രഹസ്യമായി സന്ദേശങ്ങളായി എത്തിയതായി വിജിലൻസ് കണ്ടെത്തിയിട്ടുണ്ട്. ലേല […]