കോഴിക്കോട് വെളളയിലാണ് ഞെട്ടിക്കുന്ന ഈ സംഭവം നടന്നത്. കുടുംബവഴക്കിനെത്തുടർന്നുണ്ടായ പെട്ടെന്നുള്ള പ്രകോപനത്തിലാണ് ഭർത്താവ് ഭാര്യയെ കഴുത്തുഞെരിച്ചത്. അബോധാവസ്ഥയിലായ ഭാര്യ മരിച്ചുവെന്ന് ഉറച്ചുവിശ്വസിച്ചാണ് ഇയാൾ പോലീസ് സ്റ്റേഷനിൽ നേരിട്ടെത്തി താൻ ഭാര്യയെ കൊലപ്പെടുത്തിയെന്ന് കുറ്റസമ്മതം നടത്തിയത്. സംഭവം കേട്ടയുടൻ ഉദ്യോഗസ്ഥർ ഭർത്താവിനെ കസ്റ്റഡിയിൽ സൂക്ഷിക്കുകയും, ഉടൻ തന്നെ ഒരു പോലീസ് സംഘത്തെ ഇയാളുടെ വീട്ടിലേക്ക് അയക്കുകയുമായിരുന്നു. വീട്ടിലെത്തിയ പോലീസ് പരിശോധനയിൽ ഭാര്യയ്ക്ക് ജീവന്റെ തുടിപ്പുണ്ടെന്ന് മനസ്സിലാക്കി. വൈകാതെ തന്നെ ബന്ധുക്കളുടെ സഹായത്തോടെ യുവതിയെ ആശുപത്രിയിൽ എത്തിക്കുകയും ചെയ്തു. നിലവിൽ […]