24 മണിക്കൂര്‍ കൊണ്ട് 10,000 കേസുകളുടെ വര്‍ധന; രാജ്യത്ത് പുതിയ കോവിഡ് രോഗികള്‍ 35,178
August 18, 2021 11:16 am
0
ന്യൂഡല്‍ഹി: 24 മണിക്കൂറിനിടെ രാജ്യത്ത് 35,178 കോവിഡ് കേസുകള്‍ കൂടി റിപ്പോര്‍ട്ട് ചെയ്തു. 440 പേരാണ് കഴിഞ്ഞ ദിവസം കോവിഡ് ബാധിച്ച്‌ മരിച്ചത്.
ഒരു ദിവസം കൊണ്ട് 10,000ത്തിലധികം കേസുകളുടെ വര്‍ധനവാണ് രേഖപ്പെടുത്തിയത്. കഴിഞ്ഞ ദിവസം രാജ്യത്ത് 25,166 പുതിയ കേസുകളായിരുന്നു റിപ്പോര്‍ട്ട് ചെയ്യപ്പെട്ടിരുന്നത്. 36,830 പേര്‍ രോഗമുക്തി നേടി. 17.97 ലക്ഷം സാംപിളുകളാണ് പരിശോധിച്ചത്.
3.22 കോടിയാളുകള്‍ക്കാണ് രാജ്യത്ത് ഇതുവരെ മഹാമാരി പിടിപെട്ടത്. 4.32 ലക്ഷം പേര്‍ക്ക് ജീവഹാനി സംഭവിച്ചു. 3.14 കോടിയാളുകളാണ് ഇതുവരെ രോഗമുക്തരായത്. 3.69 ലക്ഷം ആളുകളാണ് നിലവില്‍ ചികിത്സയിലുള്ളത്.
കേരളം (21,613), മഹാരാഷ്ട്ര (4,308), തമിഴ്നാട് (1804), കര്‍ണാടക (1298), ആന്ധ്രപ്രദേശ് (1063) എന്നീ സംസ്ഥാനങ്ങളിലാണ് ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്യപ്പെടുന്നത്. രാജ്യത്തെ കോവിഡ് കേസുകളുടെ 85.81 ശതമാനവും ഈ സംസ്ഥാനങ്ങളില്‍ നിന്നാണ്.
24 മണിക്കൂറിനിടെ രാജ്യത്ത് 88.13 ലക്ഷം ഡോസ് വാക്സിന്‍ വിതരണം ചെയ്തു. 55.47 കോടിയാളുകള്‍ക്കാണ് ഇതുവരെ കോവിഡ് പ്രതിരോധ കുത്തിവെപ്പ് നല്‍കിയത്.
