ഇന്ത്യയില്‍ വാട്സ്ആപ് മരവിപ്പിച്ചത് 20ലക്ഷം അക്കൗണ്ടുകള്‍
July 16, 2021 8:58 am
0
ന്യൂഡല്‍ഹി: ഓണ്‍ലൈന്‍ ദുരുപയോഗം തടയുന്നതിനും ഉപയോക്താക്കളുടെ സുരക്ഷ ഉറപ്പുവരുത്തുന്നതിനും ഇന്ത്യയിലെ 20ലക്ഷം അക്കൗണ്ടുകള്‍ മരവിപ്പിച്ചതായി സമൂഹമാധ്യമ ഭീമന്‍മാരായ വാട്സ്ആപ്.
മേയ് 15നും ജൂണ്‍15നും ഇടയിലാണ് 20 ലക്ഷം അക്കൗണ്ടുകള്‍ മരിവിപ്പിച്ചതെന്നും കമ്ബനി അറിയിച്ചു.
രാജ്യത്തെ പുതിയ ഐ.ടി നിയമപ്രകാരം സമൂഹമാധ്യമങ്ങളായ ട്വിറ്റര്‍, വാട്സ്ആപ് തുടങ്ങിയവ സ്വീകരിച്ച നടപടികളുടെ റിപ്പോര്‍ട്ടുകള്‍ വെളിപ്പെടുത്തിയിരുന്നു.
‘ഞങ്ങളുടെ ഉപഭോക്താക്കളുടെ സുരക്ഷിതത്വം ഉറപ്പുവരുത്തുന്നതിനായി സാങ്കേതിക വിദ്യയില്‍ നിരന്തരം നിേക്ഷപം നടത്തുന്നുണ്ട്. ദോഷകരമായ അല്ലെങ്കില്‍ അനാവശ്യ സന്ദേശങ്ങള്‍ തടയുകയാണ് ലക്ഷ്യം. ഇത്തരത്തില്‍ അസാധാരണമായ സന്ദേശങ്ങള്‍ തടയുന്നതിനായി വിപുലമായ സാങ്കേതിക വിദ്യകള്‍ ഉറപ്പുവരുത്തുന്നു. ഇതോടെ മേയ് 15 മുതല്‍ ജൂണ്‍ 15വരെ ഇന്ത്യയില്‍ 20 ലക്ഷം അക്കൗണ്ടുകള്‍ മരവിപ്പിച്ചു‘ –വാട്സ്ആപ് പറയുന്നു.
പുതിയ ഐ.ടി നിയമങ്ങള്‍ പാലിക്കുന്നുണ്ടെന്ന റിപ്പോര്‍ട്ട് വാട്സ്ആപ് നല്‍കിയെങ്കിലും, പുതിയ ഐ.ടി നിയമങ്ങള്‍ തടയണമെന്നാവശ്യപ്പെട്ട് കേന്ദ്രസര്‍ക്കാറിനെതിരെ പരാതി നല്‍കിയിരുന്നു. ഉപയോക്താക്കളുടെ സ്വകാര്യത ലംഘിക്കാന്‍ അനുശാസിക്കുന്നതാണ് നിയമമെന്നാണ് വിദഗ്ധരുടെ അഭിപ്രായം.
ഇന്ത്യയില്‍ 40കോടി ഉപയോക്താക്കളാണ് വാട്സ്ആപിനുള്ളത്. വാട്സ്ആപിനെ കൂടാതെ മാതൃ കമ്ബനിയായ ഫേസ്ബുക്കും ഗൂഗ്ളും ട്വിറ്ററും പുതിയ ഐ.ടി നിയമത്തിനെതിരെ രംഗത്തെത്തിയിരുന്നു.
