കാര്‍ഷിക നിയമം; ബി.ജെ.പി നേതാക്കളെ വഴിയില്‍ തടഞ്ഞ് കര്‍ഷകര്‍
July 12, 2021 12:08 pm
0
ന്യൂഡല്‍ഹി: ബി.ജെ.പി നേതാക്കളെ തടഞ്ഞ് കേന്ദ്രസര്‍ക്കാറിന്‍റെ കാര്‍ഷിക നിയമങ്ങള്‍ക്കെതിരെ പ്രതിഷേധിക്കുന്ന കര്‍ഷകര്‍. കാര്‍ഷിക നിയമങ്ങളെ പിന്തുണക്കുന്ന ബി.ജെ.പി നേതാക്കളെ വഴി തടയുമെന്ന് കര്‍ഷകര്‍ പ്രഖ്യാപിച്ചിരുന്നു. ഇതിന്‍റെ ഭാഗമായി ഹരിയാന ഡെപ്യൂട്ടി സ്പീക്കര്‍ രണ്‍ബീര്‍ ഗംഗ്വയുടെ കാര്‍ സിര്‍സ ജില്ലയില്‍വെച്ച്‌ കര്‍ഷകര്‍ തടയുകയായിരുന്നു.
കല്ലേറില്‍ കാറിന്‍റെ ചില്ല് തകര്‍ന്നെങ്കിലും ആര്‍ക്കും പരിക്കില്ല. രാജ്യവ്യാപക പ്രതിഷേധത്തിന്‍റെ ഭാഗമായി ഹരിയാനയിലും വിവിധ ഇടങ്ങളില്‍ കര്‍ഷകര്‍ പ്രക്ഷോഭവുമായി തടിച്ചുകൂടിയിരുന്നു. തുടര്‍ന്ന് സര്‍ക്കാറിനെതിരെ മുദ്രാവാക്യം വിളിക്കുകയും കാര്‍ഷിക നിയമങ്ങള്‍ പിന്‍വലിക്കണമെന്ന് ആവശ്യപ്പെടുകയായിരുന്നു.
കഴിഞ്ഞദിവസം ഫത്തേഹാബാദില്‍ ഹരിയാന സഹകരണ മന്ത്രി ബന്‍വാരി ലാലിനും സിര്‍സ എം.പി സുനിത ദഗ്ഗലിനും നേരെ പ്രതിഷേധമുണ്ടായിരുന്നു. ഫത്തേഹാബാദില്‍ പൊലീസ് സ്ഥാപിച്ചിരുന്ന ഇരുമ്ബ് ബാരിക്കേഡ് പൊലീസ് എടുത്തുമാറ്റിയിരുന്നു.
