മയക്കുമരുന്നുമായി യുവതി വിമാനത്താവളത്തില്‍ പിടിയില്‍
March 17, 2021 2:58 pm
0
നെടുമ്ബാശ്ശേരി: വിദേശത്തേക്ക് കടത്താന്‍ ശ്രമിച്ച ഒരു കിലോഗ്രാം ഇരുന്നൂറ്റിപ്പത്ത് ഗ്രാം ഹഷീഷുമായി യുവതി നെടുമ്ബാശ്ശേരി വിമാനത്താവളത്തില്‍ പിടിയിലായി.
തൃശൂര്‍ വെങ്ങിണിശ്ശേരി താഴേക്കാട്ടില്‍ രാമിയയാണ് (33) നെടുമ്ബാശ്ശേരി പൊലീസിെന്‍റ പിടിയിലായത്. അടിവസ്ത്രത്തിനുള്ളിലാണ് ഒളിപ്പിച്ചിരുന്നത്. ചൊവ്വാഴ്ച രാവിലെ ഒമ്ബതോടെ ബഹ്റൈനിലേക്ക് പോകാന്‍ എത്തിയതാണ് യുവതി. ഇന്‍റര്‍നാഷനല്‍ ഡിപ്പാര്‍ച്ചര്‍ ഹാളില്‍ പരിശോധനക്കിടെ സംശയം തോന്നിയ സി.ഐ.എസ്.എഫ് പൊലീസിനെ അറിയിക്കുകയായിരുന്നു.
തുടര്‍ന്ന് നടത്തിയ വിശദ പരിശോധനയിലാണ് ഹഷീഷ് ഓയിലാണെന്ന് കണ്ടെത്തിയത്. തുടര്‍ന്ന് പൊലീസ് യുവതിയെ അറസ്റ്റ് ചെയ്യുകയായിരുന്നു. വിശദ അന്വേഷണം നടത്തുമെന്ന് ജില്ല പൊലീസ് മേധാവി കെ.കാര്‍ത്തിക് പറഞ്ഞു.
