കൊറോണ വൈറസ് വുഹാന്‍ ലാബില്‍ നിന്ന് പടര്‍ന്നതിന് തെളിവില്ലെന്ന് ലോകാരോഗ്യ സംഘടന
March 12, 2021 2:57 pm
0
ബെയ്ജിങ്: കൊറോണ വൈറസ് ലോകം മുഴുക്കെ പടര്‍ന്നത് ചൈനീസ് നഗരമായ വുഹാനിലെ ലബോറട്ടറിയില്‍നിന്നാണെന്നും പിന്നില്‍ ഗൂഢാലോചനയുണ്ടെന്നും മുന്‍ യു.എസ് പ്രസിഡന്‍റ് ഡോണള്‍ഡ് ട്രംപ് മുതല്‍ നിരവധി പേര്‍ പ്രചരിപ്പിച്ചിരുന്നുവെങ്കിലും തെളിവില്ലെന്ന് ലോകാരോഗ്യ സംഘടന. ഗൂഢാലോചന സിദ്ധാന്തത്തിന്‍റെ സാധുത തേടി വുഹാനിലെത്തിയ നാലംഗ വിദഗ്ധ സംഘമാണ് ലബോറട്ടറിയില്‍നിന്ന് കൊറോണ വൈറസ് ചോര്‍ന്നതിന് തെളിവില്ലെന്ന് വ്യക്തമാക്കിയത്. ലാബില്‍നിന്ന് ‘കണ്ടംചാടുന്നതിന്‘ പകരം ഇവ രാജ്യത്തെ നിയന്ത്രണങ്ങളില്ലാത്ത വന്യജീവി വ്യാപാരം വഴി വന്നതാകാമെന്ന് സംഘം പറയുന്നു.
വുഹാനിലെ വന്യജീവി മാംസ വില്‍പന കേന്ദ്രത്തില്‍ നിന്ന് പടര്‍ന്നതിന് തെളിവ് കണ്ടെത്തിയിട്ടുണ്ടെന്നാണ് വെളിപ്പെടുത്തല്‍. ദക്ഷിണ ചൈനീസ് നഗരത്തിലാണ് ആദ്യം രോഗിയെ കണ്ടത്. വുഹാന്‍ മാര്‍ക്കറ്റിലെത്തിയവരിലായിരുന്നു രോഗബാധ. സമീപത്തും രോഗവാഹകരായ വവ്വാലുകളെ കണ്ടെത്തി.
