പ്രതിഷേധങ്ങള്‍ അവഗണിച്ച്‌ സിപിഎം; 83 സ്ഥാനാര്‍ഥികളെ പ്രഖ്യാപിച്ചു
March 10, 2021 1:23 pm
0
തിരുവനന്തപുരം: നിയമസഭാ തെരഞ്ഞെടുപ്പിനുള്ള സിപിഎം സ്ഥാനാര്‍ഥി പട്ടിക പ്രഖ്യാപിച്ചു. മത്സരിക്കുന്ന 85 പേരില്‍ 83 പേരുടെ പട്ടികയാണ് പ്രഖ്യാപിച്ചത്. മഞ്ചേശ്വരം, ദേവികുളം മണ്ഡലങ്ങളിലെ സ്ഥാനാര്‍ഥികളെ പിന്നീട് പ്രഖ്യാപിക്കുമെന്ന് സിപിഎം സംസ്ഥാന സെക്രട്ടറി എ. വിജയരാഘവന്‍ അറിയിച്ചു.
പ്രഖ്യാപിച്ചതില്‍ 74 പേര്‍ പാര്‍ട്ടി സ്ഥാനാര്‍ഥികളും ഒന്‍പതു പേര്‍ സിപിഎം പിന്തുണയുള്ള സ്വതന്ത്രരുമാണ്. 11 വനിതകള്‍ പട്ടികയില്‍ ഇടംപിടിച്ചു. വിദ്യാര്‍ഥി, യുവജന പ്രസ്ഥാനങ്ങളില്‍ നിന്നുള്ളവര്‍ക്ക് ഉള്‍പ്പടെ 13 യുവസ്ഥാനാര്‍ഥികളും മത്സര രംഗത്തുണ്ടാകുമെന്ന് വിജയരാഘവന്‍ പറഞ്ഞു. ബിരുദധാരികളായ 48 പേരുണ്ട് സ്ഥാനാര്‍ഥിപട്ടികയില്‍. 30 വയസില്‍ വരെയുള്ള നാലു പേര്‍ക്കും സീറ്റു നല്‍കിയിട്ടുണ്ട്. അതേസമയം, പൊന്നാനിയിലും കുറ്റ്യാടിയിലും ഉള്‍പ്പടെ പ്രാദേശിക എതിര്‍പ്പ് ഉയര്‍ന്ന മണ്ഡലങ്ങളില്‍ സ്ഥാനാര്‍ഥികളെ മാറ്റിയിട്ടില്ല.
അഞ്ച് മന്ത്രിമാരും 33 സിറ്റിംഗ് എംഎല്‍എമാരും ഇത്തവണ മത്സരിക്കുന്നില്ല. മുഖ്യമന്ത്രി പിണറായി വിജയന് പുറമേ, മന്ത്രിമാരായ കെ.കെ. ശൈലജ, ടി.പി. രാമകൃഷ്ണന്‍, എം.എം. മണി എന്നിവരും സംഘടനാരംഗത്ത് നിന്ന് എം.വി. ഗോവിന്ദന്‍, കെ. രാധാകൃഷ്ണന്‍, പി. രാജീവ്, കെ.എന്‍. ബാലഗോപാല്‍ എന്നിങ്ങനെയും എട്ട് പേര്‍ മത്സരിക്കുന്നു.
അപവാദ പ്രചാരണങ്ങളിലൂടെ ഇടത് ഭരണം തടയാമെന്നത് വ്യാമോഹമാണെന്നും വിജയരാഘവന്‍ പറഞ്ഞു. പാര്‍ലമെന്‍ററി പ്രവര്‍ത്തനം പോലെ തന്നെ സംഘടനാ പ്രവര്‍ത്തനവും പ്രധാനമാണ്. ആരെയും ഒഴിവാക്കലല്ല പുതിയ മാനദണ്ഡങ്ങളുടെ ലക്ഷ്യം. പുതിയ ആളുകള്‍ക്ക് അവസരം നല്‍കാനാണ് രണ്ടു തവണ മത്സരിച്ചവര്‍ മാറി നില്‍ക്കുന്നതെന്നും അദ്ദേഹം വ്യക്തമാക്കി.
തിരുവനന്തപുരം ജില്ല
• പാറശാല– സി.കെ.ഹരീന്ദ്രന്‍
• നെയ്യാറ്റിന്‍കര – കെ. ആന്‍സലന്‍
• വട്ടിയൂര്‍ക്കാവ് – വി.കെ.പ്രശാന്ത്
• കാട്ടാക്കട – ഐ.ബി.സതീഷ്
• നേമം – വി.ശിവന്‍കുട്ടി
• കഴക്കൂട്ടം – കടകംപള്ളി സുരേന്ദ്രന്‍
• വര്‍ക്കല – വി. ജോയ്
• വാമനപുരം – ഡി.കെ.മുരളി
• ആറ്റിങ്ങല്‍ – ഒ.എസ്.അംബിക
• അരുവിക്കര – ജി. സ്റ്റീഫന്‍
കൊല്ലം ജില്ല
• കൊല്ലം– എം. മുകേഷ്
• ഇരവിപുരം – എം. നൗഷാദ്
• ചവറ – ഡോ.സുജിത്ത് വിജയന് (സ്വ)
• കുണ്ടറ – ജെ.മേഴ്‌സിക്കുട്ടിയമ്മ
• കൊട്ടാരക്കര – കെ.എന്‍.ബാലഗോപാല്‍
പത്തനംതിട്ട ജില്ല
• ആറന്മുള– വീണാ ജോര്‍ജ്
• കോന്നി – കെ.യു.ജനീഷ് കുമാര്‍
ആലപ്പുഴ ജില്ല
• ചെങ്ങന്നൂര്‍– സജി ചെറിയാന്‍
• കായംകുളം – യു .പ്രതിഭ
• അമ്ബലപ്പുഴ– എച്ച്‌.സലാം
• അരൂര്‍ – ദലീമ ജോജോ
• മാവേലിക്കര – എം എസ് അരുണ്‍ കുമാര്‍
• ആലപ്പുഴ– പി.പി .ചിത്തരഞ്ജന്‍
കോട്ടയം ജില്ല
• ഏറ്റുമാനൂര്‍ –വി.എന്‍ വാസവന്‍
• പുതുപ്പള്ളി– ജെയ്ക്ക് സി തോമസ്
• കോട്ടയം– കെ.അനില്‍കുമാര്‍
എറണാകുളം ജില്ല
• കൊച്ചി – കെ.ജെ. മാക്സി
• വൈപ്പിന്‍ – കെ.എന്‍ ഉണ്ണികൃഷ്ണന്‍
• തൃക്കാക്കര – ഡോ. ജെ.ജേക്കബ്
• തൃപ്പൂണിത്തുറ – എം.സ്വരാജ്
• കളമശേരി – പി രാജീവ്
• കോതമംഗലം – ആന്‍റണി ജോണ്‍
• കുന്നത്ത്നാട് – പി.വി.ശ്രീനിജന്‍
• ആലുവ – ഷെല്‍ന നിഷാദ് അലി
• എറണാകുളം– ഷാജി ജോര്‍ജ് (സ്വ)
ഇടുക്കി ജില്ല
• ഉടുമ്ബന്‍ചോല – എം.എം.മണി
• ദേവികുളം– തീരുമാനമായില്ല
തൃശൂര്‍ ജില്ല
• ഇരിങ്ങാലക്കുട – ഡോ.ആര്‍.ബിന്ദു
• വടക്കാഞ്ചേരി– സേവ്യര്‍ ചിറ്റിലപ്പള്ളി
• മണലൂര്‍ – മുരളി പെരുനെല്ലി
• ചേലക്കര – കെ.രാധാകൃഷ്ണന്‍
• ഗുരുവായൂര്‍ – അക്ബര്‍
• പുതുക്കാട് – കെ.കെ. രാമചന്ദ്രന്‍
• കുന്നംകുളം – എ.സി.മൊയ്തീന്‍
പാലക്കാട് ജില്ല
• തൃത്താല– എം ബി രാജെഷ്
• തരൂര്‍– പി.പി.സുമോദ്,
• കൊങ്ങാട്– ശാന്തകുമാരി
• ഷൊര്‍ണൂര്‍-പി.മമ്മിക്കുട്ടി
• ഒറ്റപ്പാലം-പ്രേം കുമാര്‍
• മലമ്ബുഴ-എ.പ്രഭാകരന്‍
• ആലത്തൂര്‍– കെ. ഡി. പ്രസേനന്‍
• നെന്മാറ– കെ.ബാബു
മലപ്പുറം ജില്ല
• തവനൂര്‍ – കെ.ടി.ജലീല്‍ (സ്വ)
• പൊന്നാനി– പി.നന്ദകുമാര്‍
• നിലമ്ബൂര്‍-പി.വി.അന്‍വര്‍ (സ്വ),
• തിരൂര്‍ – ഗഫൂര്‍ പി ലില്ലീസ്
• താനൂര്‍-അബ്ദുറഹ്മാന്‍
• പെരിന്തല്‍മണ്ണ– മുഹമ്മദ് മുസ്തഫ
• കൊണ്ടോട്ടി-സുലൈമാന്‍ ഹാജി (സ്വ)
• മങ്കട– റഷീദലി
• വേങ്ങര-ജിജി
• വണ്ടൂര്‍– പി.മിഥുന
കോഴിക്കോട് ജില്ല
• പേരാമ്ബ്ര – ടി.പി. രാമകൃഷ്ണന്‍
• ബാലുശ്ശേരി : സച്ചിന്‍ ദേവ്
• കോഴിക്കോട് നോര്‍ത്ത്– തോട്ടത്തില്‍ രവീന്ദ്രന്‍
• ബേപ്പൂര്‍– പി.എ.മുഹമ്മദ് റിയാസ്
• തിരുവമ്ബാടി – ലിന്‍റോ ജോസഫ്
• കൊടുവള്ളി – കാരാട്ട് റസാഖ് (സ്വ)
• കുന്ദമംഗലം– പിടിഎ റഹീം (സ്വ)
• കൊയിലാണ്ടി – കാനത്തില്‍ ജമീല
വയനാട് ജില്ല
• മാനന്തവാടി– ഒ.ആര്‍ കേളു
• ബത്തേരി– എം.എസ്.വിശ്വനാഥന്‍
കണ്ണൂര്‍ ജില്ല
• ധര്‍മ്മടം –പിണറായി വിജയന്
• തലശേരി –എ എന്‍ ഷംസീര്‍
• പയ്യന്നൂര്‍ –ടി ഐ മധുസൂധനന്‍
• കല്യാശേരി –എം വിജിന്‍
• അഴിക്കോട് –കെ വി സുമേഷ്
• പേരാവൂര്‍ – സക്കീര്‍ ഹുസൈന്‍
• മട്ടന്നൂര്‍ –കെ.കെ.ഷൈലജ
• തളിപ്പറമ്ബ് –എം.വി ഗോവിന്ദന്‍
കാസര്ഗോഡ് ജില്ല
• ഉദുമ –സി.എച്ച്‌.കുഞ്ഞമ്ബു
• മഞ്ചേശ്വരം – തീരുമാനമായില്ല
• തൃക്കരിപ്പൂര് –എം. രാജഗോപാല്
