ഇഷാന്തിന് 300 ടെസ്റ്റ് വിക്കറ്റ്
February 8, 2021 3:35 pm
0
ചെന്നൈ: ഇന്ത്യന്‍ പേസര്‍ ഇഷാന്ത് ശര്‍മ ടെസ്റ്റില്‍ 300 വിക്കറ്റ് തികച്ചു. ഇംഗ്ലണ്ടിനെതിരായ ഒന്നാം ടെസ്റ്റിന്‍റെ രണ്ടാം ഇന്നിംഗ്സിലാണ് ഇഷാന്ത് നേട്ടം സ്വന്തമാക്കിയത്. ഇംഗ്ലീഷ് ബാറ്റ്സ്മാന്‍ ഡാന്‍ ലോറന്‍സിനെ വിക്കറ്റിന് മുന്നില്‍ കുടുക്കിയാണ് വലംകൈയന്‍ പേസര്‍ 300 വിക്കറ്റ് ക്ലബില്‍ അംഗമായത്.
ഈ നേട്ടം കൈവരിക്കുന്ന മൂന്നാമത്തെ ഇന്ത്യന്‍ പേസ് ബൗളറാണ് ഇഷാന്ത്. കപില്‍ദേവ്, സഹീര്‍ ഖാന്‍ എന്നിവരാണ് മുന്‍പ് ടെസ്റ്റില്‍ 300 വിക്കറ്റ് നേട്ടം കൊയ്തവര്‍. കരിയറിലെ 98 ടെസ്റ്റിലാണ് ഇഷാന്ത് 300 വിക്കറ്റ് തികച്ചത്.
