തൃശൂരിൽ ഒറ്റദിവസം കൊണ്ട് അപ്രത്യക്ഷമായത് 6 പെൺകുട്ടികളെ
November 6, 2019 2:00 pm
0
തൃശൂർ ജില്ലയിൽ നിന്നും ഒറ്റദിവസം കൊണ്ട് അപ്രത്യക്ഷമായത് ആറ് പെൺകുട്ടികളെ കാണാതായി. കാണാതായത് മാള, പാവറട്ടി, വടക്കാഞ്ചേരി, അയ്യന്തോൾ സ്റ്റേഷൻ പരിധിയിൽ നിന്നാണ് . ആറുപേരിൽ ഒരാൾക്ക് പ്രായപൂർത്തിയായിട്ടില്ല. സ്കൂൾ കോളജ് വിദ്യാർഥിനികളായ പെൺകുട്ടികളെയാണ് കാണാതായിരിക്കുന്നത്.
ആറ് പെൺകുട്ടികളെ കാണാതായത് ഇരുപത്തിനാല് മണിക്കൂറിനകമാണ്. ആറ് പെൺകുട്ടികളും തമ്മിൽ ബന്ധമില്ല. പ്രായപൂർത്തിയാകാത്ത പെൺകുട്ടി പ്ലസ് വൺ വിദ്യാർഥിനിയാണ്. തൃശൂർ വെസ്റ്റ് പൊലീസ് സ്റ്റേഷൻ പരിധിയിൽ നിന്നാണ് ഈ കുട്ടിയെ കാണാതായത്. പുരുഷ സുഹൃത്തുക്കൾക്കൊപ്പം പോയതെന്നാണ് പ്രാഥമിക നിഗമനം. എന്നാൽ, ഇവർ എവിടെയാണെന്നതു സംബന്ധിച്ച് വിവരം ലഭ്യമായിട്ടില്ല. പ്രായപൂർത്തിയാകാത്ത പെൺകുട്ടിക്കൊപ്പം പോയ ആൾക്കെതിരെ പൊലീസ് കേസെടുക്കും.
