എട്ടുവയസുകാരിയെ ലൈംഗികമായി പീഡിപ്പിച്ച കേസില്‍ റിട്ടയര്‍ ബാങ്ക് ഉദ്യോഗസ്ഥന്‍ പിടിയില്‍
January 25, 2020 9:00 pm
0
തിരുവനന്തപുരം: എട്ടുവയസുകാരിയെ ലൈംഗികമായി പീഡിപ്പിച്ച കേസില്‍ റിട്ടയര്‍ ബാങ്ക് ഉദ്യോഗസ്ഥന്‍ പിടിയില്‍. മണ്ണന്തല കേരളാദിത്യപുരം സ്വദേശി സുന്ദരേശന്‍ നായരാണ് പിടിയിലായത്. കഴിഞ്ഞ ദിവസം സ്കൂളില്‍ നടന്ന ചൈല്‍ഡ് വെല്‍ഫെയര്‍ കമ്മിറ്റിയുടെ കൗണ്‍സിലിംഗിനിടെയാണ് പെണ്‍കുട്ടി ഇക്കാര്യം വെളിപ്പെടുത്തിയത്. തുടര്‍ന്ന് അധികൃതര്‍ ഈ വിവരം മണ്ണന്തല പൊലീസിനെ അറിയിക്കുകയും പ്രതിയെ അറസ്റ്റ് ചെയ്യുകയുമായിരുന്നു.
2014ലായിരുന്നു കേസിനാസ്പദമായ സംഭവം നടന്നത്. സംഭവ ദിവസം മതാപിതാക്കള്‍ ആശുപത്രിയില്‍ ആയതിനാല്‍ ആ ദിവസം വീട്ടില്‍ ഒറ്റക്കായ കുട്ടിയെ അയല്‍വാസിയായ സുന്ദരേശന്റെ ഭാര്യ അവരുടെ വീട്ടില്‍ കൊണ്ടുപോകുകയും അന്ന് രാത്രി പ്രതി കുട്ടിയെ ലൈംഗിക ചൂഷണത്തിന് ഇരയാക്കുകയായിരുന്നുവെന്നും പൊലീസ് പറയുന്നു. ഇയാള്‍ക്കെതിരെ പോക്സോ കേസ് രജിസ്റ്റര്‍ ചെയ്തിട്ടുണ്ട്. പ്രതിയെ പതിനാല് ദിവസത്തേക്ക് റിമാന്‍ഡ് ചെയ്തു.
