പൗരത്വ നിയമഭേദഗതി: ജപ്പാന്‍ പ്രധാനമന്ത്രി ഇന്ത്യ സന്ദര്‍ശനം റദ്ദാക്കിയേക്കും
December 13, 2019 10:36 am
0
50ടോക്യോ: പൗരത്വ ഭേദഗതി നിയമത്തിെനതിരെ പ്രക്ഷോഭം ശക്തമായ സാഹചര്യത്തില്‍ ജപ്പാന്‍ പ്രധാനമന്ത്രി ഷിന്‍സോ ആബെ ഇന്ത്യ സന്ദര്‍ശനം റദ്ദാക്കിയേക്കുമെന്ന് റിപ്പോര്‍ട്ട്.
ഡിസംബര്‍ 15മുതല്‍ 17 വരെ ഇന്ത്യ സന്ദര്‍ശനത്തിനെത്തുന്ന ആബെ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തുമെന്ന് അറിയിച്ചിരുന്നു. നരേന്ദ്രമോദി –ആബെ കൂടിക്കാഴ്ച ഗുവാഹത്തിയില്‍ നടത്താനാണ് തീരുമാനിച്ചിരുന്നത്. എന്നാല്‍ പ്രതികൂല സാഹചര്യത്തില്‍ ഷിന്‍സോ ആബെ ഇന്ത്യ സന്ദര്‍ശനം ഒഴിവാക്കിയേക്കുമെന്ന് ജപ്പാനിലെ വാര്‍ത്താ ഏജന്‍സിയായ ജിജി പ്രസ് റിപ്പോര്‍ട്ട് ചെയ്തു.
പ്രതിരോധ മേഖലയില്‍ ഇരുരാജ്യങ്ങളും തമ്മിലുള്ള സഹകരണം സംബന്ധിച്ച്‌ പ്രധാനമന്ത്രി നരേന്ദ്രമോദിയുമായി ചര്‍ച്ച ചെയ്യാനാണ് ഷിന്‍സോ ആബെ ഇന്ത്യ സന്ദര്‍ശനം തീരുമാനിച്ചത്. എന്നാല്‍ ജപ്പാന്‍ പ്രധാനമന്ത്രിയുെട വരവ് റദ്ദാക്കിയതിെന കുറിച്ച്‌ ഔദ്യോഗിക സ്ഥിരീകരണം ലഭിച്ചിട്ടില്ലെന്ന് വിദേശകാര്യ വക്താവ് രവീഷ് കുമാര്‍ അറിയിച്ചു.
ഇന്ത്യാ സന്ദര്‍ശനത്തിന് എത്തുന്ന ആബെ ജപ്പാനും സഖ്യസേനയും പങ്കെടുത്ത രണ്ടാം ലോകമഹായുദ്ധ സമയത്തെ യുദ്ധഭൂമിയായിരുന്ന മണിപ്പൂര്‍ തലസ്ഥാനമായ ഇംഫാലില്‍ താമസിച്ചേക്കുമെന്നും യുദ്ധത്തിന്‍െറ 75ാം വാര്‍ഷികത്തോടനുബന്ധിച്ച്‌ തുടക്കം കുറിച്ച ‘സമാധാന മ്യൂസിയം‘ സന്ദര്‍ശിക്കുമെന്നും റിപ്പോര്‍ട്ടുണ്ടായിരുന്നു.
