ആരോഗ്യമന്ത്രിയുടെ പേരില്‍ പണം തട്ടാന്‍ ശ്രമം
June 3, 2022 3:21 pm
0
തിരുവനന്തപുരം: ആരോഗ്യമന്ത്രി വീണാ ജോര്‍ജിന്‍റെ പേരില്‍ തട്ടിപ്പ് നടത്താന്‍ ശ്രമം. മന്ത്രിയുടെ പേരും ഫോട്ടോയും ഉപയോഗിച്ച്‌ വാട്സ്‌ആപ്പിലൂടെയാണ് തട്ടിപ്പിന് ശ്രമമുണ്ടായത്.ആരോഗ്യവകുപ്പിലെ ഒരു ഡോക്ടര്‍ക്കാണ് വാട്സ്‌ആപ്പ് സന്ദേശം ലഭിച്ചത്. താനൊരു ക്രൂഷ്യല്‍ മീറ്റിംഗിലാണെന്നും സംസാരിക്കാന്‍ പറ്റില്ലെന്നും പറഞ്ഞായിരുന്നു സന്ദേശം. തുടര്‍ന്ന് തനിക്ക് സഹായം വേണമെന്നും ആമസോണ്‍ പേ ഗിഫ്റ്റ് പരിചയമുണ്ടോയെന്നും ചോദിച്ചു.
ഇതോടെ ഡോക്ടര്‍ക്ക് സംശയം തോന്നി മന്ത്രിയുടെ ഓഫീസിനെ വിവരം അറിയിച്ചു. തുടര്‍ന്ന് മന്ത്രിയുടെ ഓഫീസ് പരാതി നല്‍കുകയായിരുന്നു.
