വിമാനയാത്രക്കിടെ നാലു മാസം പ്രായമുള്ള കുഞ്ഞ് മരിച്ചു
November 16, 2019 4:00 pm
0
ശ്വാസതടസത്തെ തുടര്‍ന്ന് നാലുമാസം പ്രായമുള്ള കുഞ്ഞ് വിമാനത്തിനുള്ളില്‍ മരിച്ചു. രാജസ്ഥാനിലെ ജയ്പൂരില്‍നിന്നും മുംബൈയിലേക്ക് വന്ന വിമാനത്തിലാണ് സംഭവം. സൂറത്തില്‍ നിന്നും വിമാനത്തില്‍ കയറിയ പ്രീതി ജിന്‍ഡാലിെന്‍റ മകള്‍ റിയയാണ് മരിച്ചത്.
കുഞ്ഞ് അബോധവസ്ഥയിലായത് മാതാവ് അറിഞ്ഞിരുന്നില്ല. വിമാനം ലാന്‍ഡ് ചെയ്ത ശേഷവും കുഞ്ഞ് ഉണരാത്തതിനെ തുടര്‍ന്ന് വിമാനജീവനക്കാരുടെ സഹായത്തോടെ എയര്‍പോര്‍ട്ടിലെ മെഡിക്കല്‍ റൂമില്‍ എത്തിക്കുകയും കൃത്രിമ ശ്വാസം നല്‍കാന്‍ ശ്രമിക്കുകയും ചെയ്തു. പിന്നീട് അടുത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും കുട്ടി മരിച്ചിരുന്നു.
വിമാനത്തില്‍ കയറിയശേഷം കുഞ്ഞിനെ പാലൂട്ടിയിരുന്നുവെന്നും പിന്നീട് കുഞ്ഞ് ഉറങ്ങിയെന്നുമാണ് മാതാവ് പറഞ്ഞത്. വിമാനം ഇറങ്ങിയശേഷമാണ് കുഞ്ഞ് അബോധവസ്ഥയിലാെണന്ന് തിരിച്ചറിഞ്ഞ് എ.ടി.സിയുടെ സഹായത്തോടെ ആശുപത്രിയിലെത്തിച്ചത്.
സംഭവത്തില്‍ അപകടമരണത്തിന് കേസ് രജിസ്റ്റര്‍ ചെയ്തു. മരണകാരണം വ്യക്തമാകുന്നതിന് പോര്‍ട്ടമോര്‍ട്ടം നടത്തിയതായും സാമ്ബിളുകള്‍ പരിശോധനക്കായി ജെ.ജെ ആശുപത്രിയിലേക്ക് അയച്ചതായും പൊലീസ് പറഞ്ഞു.
