വാക്സിനുകള്‍ക്ക് വ്യത്യസ്ത വില; കേന്ദ്രസര്‍ക്കാര്‍ സമീപനത്തിനെതിരെ സുപ്രീംകോടതി
May 31, 2021 1:54 pm
0
ന്യൂഡല്‍ഹി: കോവിഡ് വാക്സിനുമായി ബന്ധപ്പെട്ട കേസില്‍ കേന്ദ്രസര്‍ക്കാറിന് മുമ്ബാകെ ചോദ്യങ്ങള്‍ ഉന്നയിച്ച്‌ സുപ്രീംകോടതി. വാക്സിന് വില, ക്ഷാമം, ഗ്രാമീണ മേഖലയിലെ ലഭ്യതക്കുറവ് എന്നിവയിലാണ് സുപ്രീംകോടതിയുടെ ചോദ്യങ്ങള്‍.
45 വയസിന് മുകളിലുള്ള എല്ലാവര്‍ക്കും കേന്ദ്രസര്‍ക്കാര്‍ വാക്സിന് നല്‍കുന്നുണ്ട്. പേക്ഷ 18 മുതല്‍ 44 വയസ് വരെ പ്രായമുള്ളവര്‍ക്ക് വാക്സിന് എന്തുകൊണ്ടാണ് വിതരണം ചെയ്യാത്തത്. നിര്‍മിക്കുന്ന വാക്സിനുകളില്‍ 50 ശതമാനം കേന്ദ്രസര്‍ക്കാര്‍ നിശ്ചയിച്ച വിലക്ക് സംസ്ഥാനങ്ങള്‍ക്ക് ലഭ്യമാക്കുന്നു. ബാക്കിയുള്ളത് സ്വകാര്യ ആശുപത്രികള്‍ക്കാണ് നല്‍കുന്നത്. ഇതിന്‍റെ യുക്തിയെന്താണെന്ന് സുപ്രീംകോടതി ചോദിച്ചു.
45 വയസിന് മുകളിലുള്ളവരുടെ മരണനിരക്ക് കൂടിയതിനാലാണ് അവര്‍ക്ക് വാക്സിന് മുന്‍ഗണ നല്‍കിയത്. എന്നാല്‍ രണ്ടാം തരംഗത്തില്‍ 18 മുതല്‍ 44 വയസ് പ്രായമുള്ളവര്‍ക്കും രോഗം ഗുരുതരമായി ബാധിക്കുന്നുണ്ട്. എന്തുകൊണ്ടാണ് അവര്‍ക്ക് വാക്സിന് നല്‍കാന്‍ നടപടിയുണ്ടാകാത്തത്. വാക്സിന് വില നിര്‍ണയാധികാരം കമ്ബനികള്‍ക്ക് നല്‍കിയത് എന്തിനാണ്. വാക്സിന് ഒരു രാജ്യം ഒരു വില എന്നത് നടപ്പാക്കാന്‍ കേന്ദ്രത്തിന് ബാധ്യതയില്ലേയെന്നും സുപ്രീംകോടതി ചോദിച്ചു. രാജ്യത്തെ വാക്സിന് നിര്‍മാതാക്കള്‍ കേന്ദ്ര–സംസ്ഥാന സര്‍ക്കാറുകള്‍ക്ക് വ്യത്യസ്ത വിലക്കാണ് വാക്സിന് നല്‍കുന്നത്. ഇതിനെതിരെ വിവിധ സംസ്ഥാനങ്ങള്‍ വിമര്‍ശനവുമായി രംഗത്തെത്തിയിരുന്നു.
ജസ്റ്റിസുമാരായ ഡി.വൈ ചന്ദ്രചൂഢ്, എല്‍.എന്‍ റാവു, എസ്. രവീന്ദ്ര ഭട്ട് എന്നിവരടങ്ങിയ ബെഞ്ചാണ് കേസ് പരിഗണിച്ചത്. കേസില്‍ സത്യവാങ്മൂലം സമര്‍പ്പിക്കാന്‍ കേന്ദ്രസര്‍ക്കാറിന് രണ്ടാഴ്ചത്തെ സമയം അനുവദിച്ചു.
