ട്രെയിന്‍ സര്‍വിസുകള്‍ ഏപ്രിലില്‍ പൂര്‍ണമായും പുനഃസ്ഥാപിക്കുമെന്ന വാര്‍ത്ത നിഷേധിച്ച്‌ റെയില്‍വേ
February 13, 2021 7:49 pm
0
ന്യൂഡല്‍ഹി: കോവിഡിനെ തുടര്‍ന്ന് നിര്‍ത്തിവെച്ച ട്രെയിന്‍ സര്‍വിസുകള്‍ ഏപ്രില്‍ മുതല്‍ പൂര്‍ണമായും പുനഃസ്ഥാപിക്കുമെന്ന വാര്‍ത്തകള്‍ നിഷേധിച്ച്‌ ഇന്ത്യന്‍ റെയില്‍വേ. ഏപ്രില്‍ മുതല്‍ ട്രെയിന്‍ സര്‍വിസുകള്‍ പുര്‍ണമായും പുനഃസ്ഥാപിക്കുമെന്ന് മാധ്യമങ്ങളില്‍ വാര്‍ത്തയുണ്ട്. എന്നാല്‍, ഇന്ത്യന്‍ റെയില്‍വേ സര്‍വിസ് പുനഃസ്ഥാപിക്കുന്നതിനായി തീയതി നിശ്ചയിച്ചിട്ടില്ലെന്ന് പ്രസ്താവനയില്‍ അറിയിച്ചു.
ഘട്ടം ഘട്ടമായി ട്രെയിനുകളുടെ എണ്ണം ഉയര്‍ത്തുകയാണ് ചെയ്യുന്നത്. നിലവില്‍ 65 ശതമാനത്തോളം ട്രെയിനുകളുടെ സര്‍വിസ് ആരംഭിച്ചിട്ടുണ്ട്. 250 ഓളം ട്രെയിനുകളുടെ സര്‍വിസ് ജനുവരിയില്‍ തന്നെ പുനഃരാരംഭിച്ചു. കൂടുതല്‍ സര്‍വിസുകള്‍ ആരംഭിക്കുമെന്നും റെയില്‍വേ അറിയിച്ചു.
റെയില്‍വേ വീണ്ടും സര്‍വീസ് പൂര്‍ണമായും പുനഃരാരംഭിക്കുേമ്ബാള്‍ മാധ്യമങ്ങളേയും ജനങ്ങളേയും വിവരമറിയിക്കുമെന്ന് റെയില്‍വേ മന്ത്രാലയം വ്യക്തമാക്കി.
