വിമാനക്കമ്ബനികള്‍ ഇന്ത്യയിലേക്ക് സര്‍വിസ് കുറച്ചു
March 18, 2020 9:54 am
0
മസ്കത്ത്: കോവിഡ് ഭീതിയുടെ പശ്ചാത്തലത്തില്‍ വിമാനയാത്രക്കാരുടെ എണ്ണം കുറഞ്ഞതിനെ തുടര്‍ന്ന് കമ്ബനികള്‍ ഇന്ത്യയിലേക്കുള്ള സര്‍വിസുകള്‍ വെട്ടിച്ചുരുക്കി. ഒമാന്‍ എയര്‍ കേരളത്തിലേക്കുള്ള സര്‍വിസുകളിലും ക്രമീകരണം വരുത്തിയിട്ടുണ്ട്. യാത്രക്കാര്‍ക്ക് അധികചെലവില്ലാതെ ടിക്കറ്റുകള്‍ റദ്ദാക്കാനും തീയതികള്‍ മാറ്റിയെടുക്കാനുമുള്ള അവസരമുണ്ട്. എയര്‍ഇന്ത്യയുടെ ബംഗളൂരു-ഹൈദരാബാദ്-മസ്കത്ത് വിമാനം (എ.െഎ 977/978) മാര്‍ച്ച്‌ 18 മുതല്‍ ഏപ്രില്‍ 20വരെ റദ്ദാക്കി. തിങ്കളാഴ്ചയും ബുധനാഴ്ചയും വെള്ളിയാഴ്ചയുമാണ് ഇൗ വിമാനം സര്‍വിസ് നടത്തുന്നത്. എയര്‍ഇന്ത്യയുടെ ദല്‍ഹി-മസ്കത്ത് സര്‍വിസ് (എ.െഎ 973 / എ.െഎ 974), ചെന്നൈ-മസ്കത്ത് സര്‍വിസ് (എ.െഎ 907 / എ.െഎ 908) , അഹ്മദാബാദ്-മുംബൈ-മസ്കത്ത് സര്‍വിസ് (എ.െഎ 985) എന്നിവ മാര്‍ച്ച്‌ 18 മുതല്‍ ഏപ്രില്‍ 30വരെയും റദ്ദാക്കിയിട്ടുണ്ട്. മസ്കത്ത്– മുംബൈ-അഹ്മദാബാദ് സര്‍വിസ് (എ.െഎ 986) മാര്‍ച്ച്‌ 19 മുതല്‍ മേയ് ഒന്നുവരെ നിര്‍ത്തിവെച്ചു. ഇൗ സര്‍വിസുകളില്‍ ടിക്കറ്റ് ബുക്ക് ചെയ്തവര്‍ക്ക് മുഴുവന്‍ തുകയും തിരികെ ലഭിക്കും.
ബജറ്റ് വിമാനക്കമ്ബനിയായ ഇന്‍ഡിഗോയുടെ കൊച്ചിയിലേക്കുള്ള സര്‍വിസുകള്‍ മാര്‍ച്ച്‌ 28 വരെ നിര്‍ത്തിവെച്ചിട്ടുണ്ട്. ഇന്‍ഡിഗോയുടെ മസ്കത്ത്-മുംബൈ സര്‍വിസിന് മാറ്റമില്ല. ഗോ എയറിെന്‍റ മസ്കത്ത് –കണ്ണൂര്‍ സര്‍വിസ് ഏപ്രില്‍ 15വരെയും മസ്കത്ത്-മുംബൈ സര്‍വിസ് ഏപ്രില്‍ 16വരെയും റദ്ദാക്കിയിട്ടുണ്ട്. സ്പൈസ് ജെറ്റും മസ്കത്തിലേക്കുള്ള സര്‍വിസ് റദ്ദാക്കി. ദേശീയ വിമാനക്കമ്ബനിയായ ഒമാന്‍ എയര്‍ കേരളത്തിലേക്കും ഇന്ത്യയിലേക്കുമുള്ള സര്‍വിസുകള്‍ ചില ദിവസങ്ങളില്‍ റദ്ദാക്കിയിട്ടുണ്ട്. നിലവിലെ സാഹചര്യത്തില്‍ പുതിയ ഷെഡ്യൂള്‍ തയാറാക്കിവരുകയാണെന്ന് ഒമാന്‍ എയര്‍ അധികൃതര്‍ അറിയിച്ചു. ചില സര്‍വിസുകള്‍ റദ്ദാക്കാനും ചിലയിടങ്ങളിലേക്കുള്ള എണ്ണം കുറക്കാനുമാണ് പദ്ധതി. ശ്രീലങ്കന്‍ എയര്‍വേസ് ഇൗ മാസം 20 മുതല്‍ ഒമാനില്‍നിന്നുള്ള സര്‍വിസ് പൂര്‍ണമായി നിര്‍ത്തുകയാണ്. എയര്‍ഇന്ത്യ എക്സ്പ്രസ് സര്‍വിസുകളില്‍ മാറ്റം വരുത്തുകയോ റദ്ദാക്കുകയോ ചെയ്യുന്ന കാര്യത്തില്‍ ചൊവ്വാഴ്ച വൈകീട്ടുവരെ അറിയിപ്പുകളൊന്നും ലഭിച്ചിട്ടില്ല.
