ബി.ജെ.പി നേതാവ് കപില്‍ മിശ്രക്ക് വൈ പ്ലസ് കാറ്റഗറി സുരക്ഷ
March 3, 2020 12:00 pm
0
ന്യൂഡല്‍ഹി: ഡല്‍ഹിയില്‍ വിദ്വേഷ പ്രസംഗം നടത്തിയ ബി.ജെ.പി നേതാവ് കപില്‍ മിശ്രക്ക് വൈ പ്ലസ് കാറ്റഗറി സുരക്ഷ. വധഭീഷണി ഉണ്ടെന്നറിയിച്ചതിനെ തുടര്‍ന്നാണ് സുരക്ഷ ഏര്‍പ്പെടുത്തിയത്. മുഴുവന്‍ സമയവും സായുധരായ ഉദ്യോഗസ്ഥര്‍ കപില്‍ മിശ്രക്ക് സുരക്ഷ നല്‍കും.
ഡല്‍ഹി തെരഞ്ഞെടുപ്പ് പ്രചാരണ വേളയിലും വടക്കുകിഴക്കന്‍ ഡല്‍ഹിയിലെ വര്‍ഗീയ കലാപത്തിന് മുമ്ബും വിദ്വേഷ പ്രസംഗം നടത്തിയതിന് കപില്‍ മിശ്രക്കും മറ്റ് ബി.ജെ.പി നേതാക്കള്‍ക്കുമെതിരെ കേസെടുക്കണമെന്ന് പ്രതിപക്ഷം ആവശ്യപ്പെട്ടിരുന്നു. സമൂഹ മാധ്യമങ്ങള്‍ മുഖേന ഭീഷണി നേരിട്ടതിന് ശേഷം കപില്‍ മിശ്ര തെന്‍റ സുരക്ഷയെക്കുറിച്ച്‌ ആശങ്ക ഉന്നയിച്ചതായാണ് വിവരം.
വിദ്വേഷ പ്രസംഗം നടത്തിയെന്ന ആരോപണത്തില്‍ സോണിയ ഗാന്ധി, രാഹുല്‍ഗാന്ധി, പ്രിയങ്ക ഗാന്ധി വാദ്ര എന്നിവര്‍െക്കതിരെ കേസെടുക്കണമെന്നാവശ്യപ്പെട്ട് സമര്‍പ്പിച്ച ഹരജികളില്‍ ഹൈകോടതി കേന്ദ്ര സര്‍ക്കാറിെന്‍റയും ഡല്‍ഹി സര്‍ക്കാറിേന്‍റയും പൊലീസിെന്‍റയും പ്രതികരണം ആരാഞ്ഞിരുന്നു.
എന്തുകൊണ്ടാണ് വിദ്വേഷ പ്രസംഗം നടത്തിയ കപില്‍ മിശ്രയെ പോലുള്ള ബി.ജെ.പി നേതാക്കള്‍ക്കെതിരെ കേസെടുക്കാത്തതെന്ന് കോണ്‍ഗ്രസ് ചോദിച്ചിരുന്നു. വിദ്വേഷ പ്രസംഗം നടത്തിയ ബി.ജെ.പി നേതാക്കളായ അനുരാഗ് താക്കൂര്‍, പര്‍വേഷ് വര്‍മ, കപില്‍ മിശ്ര എന്നിവര്‍ക്കെതിരെ എഫ്.െഎ.ആര്‍ രജിസ്റ്റര്‍ ചെയ്യണമെന്നാവശ്യപ്പെട്ട് സാമൂഹ്യ പ്രവര്‍ത്തകനായ ഹര്‍ഷ് മാന്ദെറും കോടതിയെ സമീപിച്ചിരുന്നു.
