ഡല്‍ഹി കലാപം: എസ്.എന്‍ ശ്രീവാസ്തവ പുതിയ പോലീസ് മേധാവി
February 28, 2020 1:00 pm
0
ന്യുഡല്‍ഹി: ഡല്‍ഹിയില്‍ 38 പേരുടെ മരണത്തിനിടയാക്കിയ വര്‍ഗീയ സംഘര്‍ഷം ശമിച്ചതിനു പിന്നാലെ പോലീസ് തലപ്പത്ത് അഴിച്ചുപണിയുമായി കേന്ദ്രസര്‍ക്കാര്‍. ഡല്‍ഹി പോലീസ് കമ്മീഷണര്‍ സ്ഥാനത്തു നിന്ന് അമുല്യ പട്‌നായിക്ക് നാളെ വിരമിക്കാനിരിക്കേയാണ് നടപടി. എസ്.എന്‍ ശ്രീവാസ്തവ ആണ് പുതിയ കമ്മീഷണര്‍. രണ്ടു ദിവസം മുന്‍പ് ശ്രീവാസ്തവയെ ഡല്‍ഹിയുടെ ക്രമസമാധാന ചുമതലയുള്ള സ്‌പെഷ്യല്‍ കമ്മീഷറായി നിയമിച്ചിരുന്നു.
1985 ബാച്ച്‌ ഓഫീസറായ ശ്രീവാസ്തവ, സി.ആര്‍.പി.എഫില്‍ സ്‌ഷെപ്യല്‍ ഡയറക്ടര്‍ ജനറല്‍ (ട്രെയിനിംഗ്) ആയി പ്രവര്‍ത്തിച്ചിട്ടുണ്ട്. ഡല്‍ഹിയില്‍ കേന്ദ്രസേനയെ വിന്യസിച്ചിതിനു പിന്നാലെയാണ് ചൊവ്വാഴ്ച സ്‌പെഷ്യല്‍ കമ്മീഷണറുടെ ചുമതലയും കൈമാറിയത്. ഡല്‍ഹിയില്‍ വിവിധ പോസ്റ്റുകളില്‍ സേവനം ചെയ്തിട്ടുമുണ്ട്. ബി.ടെക്, എല്‍.എല്‍.ബി ബിരുദധാരിയുമാണ് ശ്രീവാസ്തവ.
