രാജ്യത്തെ പ്രായം കുറഞ്ഞ ജഡ്ജിയാവാനൊരുങ്ങി 21കാരന്‍
November 22, 2019 11:50 am
0
രാജ്യത്തെ പ്രായം കുറഞ്ഞ ന്യായാധിപനാകാനൊരുങ്ങി 21കാരനായ മായങ്ക് പ്രതാപ് സിങ്. രാജസ്ഥാന്‍ ജുഡീഷ്യല്‍ സര്‍വീസ് പരീക്ഷ 2018ല്‍ പാസായ അഗര്‍വാള്‍ ഉടനെ ജോലിയില്‍ പ്രവേശിക്കും. ജഡ്ജിമാര്‍ക്ക് സമൂഹത്തില്‍ ലഭിക്കുന്ന മാന്യതയും പ്രാധാന്യവുമാണ് തന്നെ ഈ മേഖലയിലേക്ക് ആകര്‍ഷിച്ചതെന്ന് പ്രതാപ് സിങ് പറഞ്ഞു.
2014ലാണ് താന്‍ എല്‍.എല്‍.ബി കോഴ്സിന് ചേര്‍ന്നത്. കഴിഞ്ഞ വര്‍ഷമാണ് രാജസ്ഥാന്‍ യൂനിവേഴ്സിറ്റിയില്‍ പഠനം പൂര്‍ത്തിയാക്കിയത്. നേട്ടത്തില്‍ കുടുംബത്തോടും അധ്യാപകരോടും ആദ്യ ശ്രമത്തില്‍ തന്നെ ജഡ്ജിയാകാനുള്ള പരീക്ഷ പാസാകാന്‍ സഹായിച്ചവരോടുമാണ് നന്ദി പറയാനുള്ളതെന്നും അദ്ദേഹം കൂട്ടിച്ചേര്‍ത്തു.
ന്യായാധിപനാകാനുള്ള പരീക്ഷക്കുള്ള കുറഞ്ഞ പ്രായം 23 വയസാണ്. രാജസ്ഥാന്‍ ഹൈകോടതി അത് കഴിഞ്ഞ വര്‍ഷം 21 വയസാക്കി ചുരുക്കിയിരുന്നു. ഇതോടെ കൂടുതല്‍ പഠിക്കാനും ജനങ്ങളെ സേവിക്കാനും തനിക്ക് കഴിയുമെന്നാണ് പ്രതീക്ഷയെന്നും മായങ്ക് പറഞ്ഞു.
