പറഞ്ഞ വാക്ക് പാലിച്ച്‌ സുരേഷ് ഗോപി : മിമിക്രി കലാകാരന്മാരുടെ സംഘടനയ്ക്ക് രണ്ട് ലക്ഷം രൂപ നല്‍കി
April 25, 2022 1:21 pm
0
നടന്‍ സുരേഷ് ഗോപി പറഞ്ഞ വാക്ക് പാലിച്ചു. മിമിക്രി കലാകാരന്മാരുടെ സംഘടനയ്ക്ക് രണ്ട് ലക്ഷം രൂപ തന്‍റെ പുതിയ സിനിമകളുടെ അഡ്വാന്‍സില്‍ നിന്നും കൈമാറുമെന്ന വാക്കാണ് നടന്‍ പാലിച്ചിരിക്കുന്നത്.സുരേഷ് ഗോപി തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്.
രണ്ട് ലക്ഷം രൂപ അദ്ദേഹം കൈമാറിയത് ഒറ്റക്കൊമ്ബന്‍ എന്ന ചിത്രത്തിന്റെ അഡ്വാന്‍സ് തുകയില്‍ നിന്നുമാണ്. സുരേഷ് ഗോപി തുക കൈമാറിയത് മിമിക്രി ആര്‍ട്ടിസ്റ്റ് അസോസിയേഷനാണ്(എഎംഎ) . സുരേഷ് ഗോപി ഇതിന്റെ ചെക്കിന്റെ ഫോട്ടോയും പങ്കുവച്ചു. നിരവധി പേരാണ് താരത്തിന് അഭിനന്ദനങ്ങളും ആശംസയുമായും പോസ്റ്റിന് താഴെ രംഗത്തെത്തുന്നത്.
മിമിക്രി കലാകാരന്മാര്‍ക്ക് സഹായം നല്‍കുമെന്ന് ഈ ഓണക്കാലത്താണ് സുരേഷ് ഗോപി പ്രഖ്യാപിച്ചത്. മാത്യു തോമസ് സുരേഷ് ഗോപിയെ നായകനാക്കി സംവിധാനം ചെയ്യുന്ന ചിത്രമാണ് ഒറ്റക്കൊമ്ബന്‍. മികച്ച പ്രതികരണമാണ് രണ്ട് ദിവസം മുമ്ബ് പുറത്തിറങ്ങിയ ചിത്രത്തിന്റെ പോസ്റ്ററിന് ലഭിച്ചത്.
