തങ്ങള്‍ക്കൂടി പ്രവര്‍ത്തിച്ചിട്ടാണ് ആന്‍റണി രാജു മന്ത്രിയായത്; വിമര്‍ശിച്ച്‌ സിഐടിയു
April 16, 2022 12:29 pm
0
തിരുവനന്തപുരം: ഗതാഗത മന്ത്രി ആന്‍റണി രാജുവിനെതിരെ വീണ്ടും കെഎസ്‌ആര്‍ടിഇഎ(സിഐടിയു) സംസ്ഥാന സെക്രട്ടറി ശാന്തകുമാര്‍.തങ്ങള്‍ കൂടി പ്രവര്‍ത്തിച്ചിട്ടാണ് ആന്‍റണി രാജു മന്ത്രിയായത്. എന്നിട്ടും ജീവനക്കാര്‍ക്കെതിരെ മന്ത്രി രംഗത്തുവരുന്നുവെന്ന് ശാന്തകുമാര്‍ ആരോപിച്ചു.
അധികാരം എന്നുമുണ്ടാവുമെന്ന് മന്ത്രി കരുതേണ്ട. ഞങ്ങളും കൂടി പ്രവര്‍ത്തിച്ചിട്ടാണ് ആന്‍റണി രാജു മന്ത്രിയായത്. അധികാരം കിട്ടിയപ്പോള്‍ ജീവനക്കാര്‍ക്കെതിരെ രംഗത്ത് വന്നു. ശമ്ബളം നല്‍കാന്‍ കഴിവില്ലെങ്കില്‍ സിഎംഡി ബിജു പ്രഭാകര്‍ രാജിവെക്കണമെന്നും ശാന്തകുമാര്‍ ആവശ്യപ്പെട്ടു.
ശമ്ബളം മുടങ്ങിയ സാഹചര്യത്തിലാണ് കെഎസ്‌ആര്‍ടിസി ജീവനക്കാര്‍ പ്രത്യക്ഷ സമരത്തിലേക്കിറങ്ങിയത്. 28ന് പണിമുടക്ക് നടത്തുമെന്ന് സിഐടിയു പ്രഖ്യാപിച്ചിരുന്നു. പ്രതിപക്ഷ സര്‍വീസ് സംഘടനകളും സമരം പ്രഖ്യാപിച്ചിട്ടുണ്ട്. അതേസമയം സമരം ചെയ്താല്‍ പൈസ വരുമോയെന്നായിരുന്നു ഗതാഗതമന്ത്രിയുടെ പരിഹാസം.
