മുഖ്യമന്ത്രി വി.ഡി. സതീശനെതിരെ സമസ്ത മുഖപത്രമായ ‘സുപ്രഭാതത്തിൽ’ വന്ന ‘മര്യാദയ്ക്ക് സംസാരിക്കണം’ എന്ന തലക്കെട്ടിലുള്ള കുറിപ്പ് എഡിറ്റോറിയൽ അല്ലെന്ന് പത്രത്തിന്റെ മാനേജിങ് എഡിറ്റർ ടി.പി. ചെറൂപ്പ വ്യക്തമാക്കി. പത്രത്തിൽ ‘വ്യക്തിവിചാരം’ എന്ന കോളത്തിൽ വന്ന ലേഖനത്തെയാണ് ചിലർ എഡിറ്റോറിയൽ ആയി തെറ്റിദ്ധരിച്ചതെന്ന് അദ്ദേഹം വിശദീകരിച്ചു. കാന്തപുരം എ.പി. അബൂബക്കർ മുസലിയാരുടെ പ്രസംഗത്തിനെതിരെ മുഖ്യമന്ത്രി നടത്തിയ പരാമർശങ്ങളെ വിമർശിച്ചു കൊണ്ടുള്ള ഈ ലേഖനത്തിലെ തലക്കെട്ടും നിലപാടും പത്രത്തിന്റേയോ ഔദ്യോഗിക നയത്തിന്റേയോ ഭാഗമല്ലെന്നും സമസ്ത മുഖപത്രം വ്യക്തമാക്കുകയുണ്ടായി.

സ്ത്രീകൾ പൊതുവേദികളിൽ ഇറങ്ങരുതെന്നുമുള്ള, വീടുകളിൽ അടങ്ങിയൊതുങ്ങി ജീവിക്കേണ്ടവരാണ് അവരെന്നുമുള്ള കാന്തപുരം എ.പി. അബൂബക്കർ മുസ്ലിയാരുടെ വിവാദ പരാമർശത്തിനെതിരെ മുഖ്യമന്ത്രി വി.ഡി. സതീശൻ. ഇന്ന് തിരുവനന്തപുരത്ത് നടത്തിയ വാർത്താസമ്മേളനത്തിലാണ് മുഖ്യമന്ത്രി തന്റെ നിലപാട് വ്യക്തമാക്കിയത്. കാന്തപുരത്തിന്റെ പ്രസ്താവനയോട് ഒട്ടും യോജിക്കാനാകില്ലെന്നും അത് 19-ാം നൂറ്റാണ്ടിലെ പിന്തിരിപ്പൻ ചിന്താഗതിയാണെന്നും അദ്ദേഹം തുറന്നടിച്ചു. സ്ത്രീകൾ സമൂഹത്തിന്റെ മുഖ്യധാരയിലേക്ക് വരേണ്ടവരാണെന്നും ഇസ്ലാമിക ചരിത്രവും അതുതന്നെയാണ് പഠിപ്പിക്കുന്നതെന്നും മുഖ്യമന്ത്രി ചൂണ്ടിക്കാട്ടി. പ്രവാചകന്റെ ആദ്യ ഭാര്യയായ ഖദീജ ബിസിനസുകാരിയായിരുന്നുവെന്നും, രണ്ടാം ഭാര്യയായ ആയിഷ യുദ്ധത്തിൽ പങ്കെടുത്ത […]