ട്രെയിനുകളിലും റെയിൽവേ സ്റ്റേഷനുകളിലും യാത്രക്കാരുടെ മൊബൈൽ ഫോണുകൾ മോഷ്ടിച്ച അന്തർസംസ്ഥാന സംഘം പൊലീസിന്റെയും ആർ.പി.എഫിന്റെയും പിടിയിലായി. ബംഗാൾ സ്വദേശികളായ ബൽറാം നുനിയ, ഭവാനി മോഹൻ പാണ്ഡേ എന്നിവരാണ് അറസ്റ്റിലായത്. ഇവർക്കൊപ്പം സംഘത്തിലുണ്ടായിരുന്ന പ്രായപൂർത്തിയാകാത്ത ഒരാളെയും പൊലീസ് കസ്റ്റഡിയിലെടുത്തിട്ടുണ്ട്. കഴിഞ്ഞ ഒരാഴ്ചയായി തൃശൂർ, ആലുവ, എറണാകുളം റെയിൽവേ സ്റ്റേഷനുകൾ കേന്ദ്രീകരിച്ചായിരുന്നു ഈ സംഘം മോഷണം നടത്തിവന്നിരുന്നത്. ട്രെയിനുകളിലേക്ക് ആളുകൾ തിക്കിത്തിരക്കിക്കയറുന്ന സമയങ്ങളും, ട്രെയിൻ പുറപ്പെടാൻ തയ്യാറെടുക്കുന്ന നിമിഷങ്ങളുമാണ് ഇവർ മോഷണത്തിനായി തിരഞ്ഞെടുത്തിരുന്നത്. കുട്ടികളെ മുൻനിർത്തിയായിരുന്നു പ്രതികൾ പ്രധാനമായും ഇത്തരം […]