തിരുവനന്തപുരം: പതിവുപോലെ ഇന്ധനവില ഇന്നും കൂട്ടി. പെട്രോളിനും ഡീസലിനും 48 പൈസ വീതമാണ് കൂട്ടിയത്. കഴിഞ്ഞ ഒരു മാസത്തിനിടെയുണ്ടായ ഏറ്റവും ഉയര്ന്ന വര്ദ്ധനവാണിത്. തിരുവനന്തപുരത്ത് പെട്രോള് ലിറ്ററിന് 112 രൂപ 25 പൈസയും, ഡീസലിന് 105 രൂപ 94 പൈസയുമായി. കൊച്ചിയില് ഒരു ലിറ്റര് പെട്രോളിന് 109 രൂപ 78 പൈസയും ഡീസലിന് 103 രൂപ 65 പൈസയുമാണ് ഇന്നത്തെ വില. ഇന്നലെ പെട്രോള് ലിറ്ററിന് 35 പൈസയും, ഡീസലിന് 37 പൈസയും കൂട്ടിയിരുന്നു.
തിരുവനന്തപുരം: പ്രതിപക്ഷ നേതാവ് വി.ഡി സതീശനെതിരായ നിലമ്ബൂര് എംഎല്എ പി.വി അന്വറിന്റെ ആക്ഷേപം സഭാരേഖകളില് നിന്ന് നീക്കം ചെയ്തു. പറവൂര് കേന്ദ്രീകരിച്ച് നടന്ന മണിചെയ്ന് തട്ടിപ്പില് സതീശന് പങ്കുണ്ടെന്നായിരുന്നു അന്വറിന്റെ ആക്ഷേപം. സഭയ്ക്കുളളിലും പുറത്തും അന്വര് ഈ ആക്ഷേപം ഉന്നയിച്ചു. അന്വര് സഭയിലെത്താത്ത സമയം അനുമതിയില്ലാതെയാണ് അവധിയെടുത്തിരിക്കുന്നത് ചോദ്യം ചെയ്ത പ്രതിപക്ഷ നേതാവിന്റെ നടപടിയാണ് അന്വറിനെ പ്രകോപിപ്പിച്ചത്. ഫേസ്ബുക്കിലൂടെയും സഭയില് തിരികെയെത്തിയും അന്വര് പ്രതിപക്ഷ നേതാവിനെതിരെ ആഞ്ഞടിച്ചു. തന്റെ സംരംഭങ്ങളെല്ലാം അവസാനിപ്പിച്ച് രാഷ്ട്രീയത്തിന് മൂര്ച്ച കൂട്ടുമെന്നും അന്വര് പറഞ്ഞിരുന്നു. […]
ചെന്നൈ: തെന്നിന്ത്യന് സൂപ്പര് താരം രജനികാന്തിനെ ശസ്ത്രക്രിയക്ക് വിധേയനാക്കി. വെള്ളിയാഴ്ച ‘കരോട്ടിഡ് ആര്ട്ടറി റിവാസ്കുലറൈസേഷന്‘ എന്ന ശസ്ത്രക്രിയക്കാണ് വിേധയമാക്കിയതെന്നും താരം സുഖം പ്രാപിച്ചുവരുന്നതായും കാവേരി ആശുപത്രി പുറത്തിറക്കിയ മെഡിക്കല് ബുള്ളറ്റിനില് അറിയിച്ചു. ഏതാനും ദിവസങ്ങള്ക്കകം താരം ആശുപത്രി വിടും. തലക്കറക്കത്തെ തുടര്ന്ന് വ്യാഴാഴ്ച വൈകീട്ടാണ് ചെന്നൈ ആല്വാര്പേട്ടിലുള്ള കാവേരി ആശുപത്രിയില് രജനികാന്തിനെ പ്രവേശിപ്പിച്ചത്. ഡോക്ടര്മാരുടെ വിദഗ്ധ സമിതി പരിശോധിച്ച് അടിയന്തിര ശസ്ത്രക്രിയക്ക് വിധേയനാക്കുകയായിരുന്നു. തലച്ചോറിലേക്കുള്ള സാധാരണ രക്തപ്രവാഹം പുനഃസ്ഥാപിക്കുന്നതിനായി കരോട്ടിഡ് ധമനിയിലെ തടസം നീക്കുന്ന ശസ്ത്രക്രിയയാണ് കരോട്ടിഡ് എന്ഡാര്ട്ടറെക്ടമി. […]
തിരുവനന്തപുരം: വിവാഹം കഴിഞ്ഞ് രണ്ടാഴ്ചയ്ക്ക് ശേഷം ഇരുപത്തിമൂന്നുകാരി കാമുകനൊപ്പം ഒളിച്ചോടി. പുല്ലുവിള സ്വദേശിനിയായ യുവതിയാണ് ഭര്ത്താവിനെ വിട്ട് പൂവച്ചല് സ്വദേശിയായ കാമുകനൊപ്പം പോയത്. യുവതിയെ കാണാതായതോടെ വീട്ടുകാര് പൊലീസില് പരാതി നല്കുകയായിരുന്നു. തുടര്ന്ന് പൊലീസ് നടത്തിയ തിരച്ചിലില് യുവതിയെയും കാമുകനെയും കണ്ടെത്തി. എന്നാല് ഭര്ത്താവിനും വീട്ടുകാര്ക്കും ഒപ്പം പോകാന് യുവതി വിസമ്മതിച്ചു. കോടതിയില് ഹാജരാക്കിയപ്പോള് കാമുകനൊപ്പം പോകാനാണ് താല്പര്യമെന്ന് ഇരുപത്തിമൂന്നുകാരി അറിയിച്ചു. രണ്ടാഴ്ച മുന്പായിരുന്നു പ്രവാസിയായ യുവാവിനൊപ്പമുള്ള യുവതിയുടെ വിവാഹം. ആര്ഭാടപൂര്വ്വമായിരുന്നു വിവാഹം നടന്നത്. എസ്.ബി.ഐ.യിലെ കളക്ഷന് ഏജന്റായ […]
കാക്കനാട്: നോണ് ഹലാല് ബോര്ഡ് െവച്ചതിന് വനിതസംരംഭകയായ തുഷാര നന്ദുവിനെ യുവാക്കള് ആക്രമിച്ചെന്ന വാര്ത്തകള് വ്യാജമെന്ന് ഇന്ഫോപാര്ക്ക് പൊലീസ്. മാധ്യമശ്രദ്ധ നേടാന് തുഷാരതന്നെ കെട്ടിച്ചമച്ചതാണെന്ന് അന്വേഷണത്തില് പൊലീസ് കണ്ടെത്തി. ഇന്ഫോപാര്ക്കിനടുത്ത് നിലംപതിഞ്ഞിമുകളില് കട നടത്തുന്നതുമായി ബന്ധപ്പെട്ട് യുവാക്കള്ക്ക് നേരെ തുഷാരയും ഭര്ത്താവും സുഹൃത്തും ചേര്ന്ന് ആക്രമണം അഴിച്ചുവിടുകയും ഒരാളെ വെട്ടിപ്പരിക്കേല്പിക്കുകയും ചെയ്തിരുന്നു. ഈ കേസിെന്റ സുഗമമായ അന്വേഷണം തടസ്സപ്പെടുത്താനാണ് കഥ മെനഞ്ഞതെന്ന് പൊലീസ് വ്യക്തമാക്കി. നിലംപതിഞ്ഞിമുകള് ഭാഗത്തെ ഫുഡ് കോര്ട്ടില് ബോംബേ ചാട്ട്, ബേല്പൂരി എന്നിവ വില്ക്കുന്ന നകുല് […]
ബംഗളൂരു: കന്നട സൂപ്പര്സ്റ്റാര് പുനീത് രാജ്കുമാര് അന്തരിച്ചു. ഹൃദയാഘാതത്തെ തുടര്ന്നായിരുന്നു മരണം. ഹൃദയാഘാതത്തെ തുടര്ന്ന് ബെഗലൂരുവിലുള്ള വിക്രമ ആശുപത്രിയിലെ ഐ സി യുവില് ചികിത്സയില് കഴിയുകയായിരുന്നു. മുഖ്യമന്ത്രി ബസുരാജ് ബൊമ്മ ഉള്പ്പടെ രാഷ്ട്രീയ സാമൂഹ്യ പ്രവര്ത്തകര് ആശുപത്രിയിലെത്തി അദ്ദേഹത്തെ സന്ദര്ശിച്ചിരുന്നു. നടന് റഹ്മാന് ആണ് ഇതുസംബന്ധിച്ച വാര്ത്ത പുറത്തുവിട്ടത്. കര്ണാടക മുഖ്യമന്ത്രി ബസവരാജ് ബൊമ്മ ഉള്പ്പടെ നിരവധിപ്പേര് ആദാഹരഞ്ജലികള് അര്പ്പിച്ച് രംഗത്തെത്തിയിട്ടുണ്ട്. ആരാധകരുടെയും മാധ്യമങ്ങളുടെയും തിക്കും തിരക്കും നിയന്ത്രിക്കാന് പൊലീസ് സന്നാഹങ്ങളും വിക്രമ ആശുപത്രിയിലുണ്ട്. ഇന്നലെ രാത്രി മുതല് പുനീത് […]
ഒ.ടി.ടി റിലീസ് വിഷയത്തില് സര്ക്കാര് നിലപാട് വ്യക്തമാക്കി മന്ത്രി സജി ചെറിയാന്. സിനിമ തിയറ്ററില് കാണിക്കേണ്ടതാണെന്നും ഒ.ടി.ടി പ്ലാറ്റ്ഫോമില് കൊടുത്താല് ഈ വ്യവസായം തകരുമെന്ന് അദ്ദേഹം വ്യക്തമാക്കി. ചിത്രം ആദ്യം പ്രദര്ശിപ്പിക്കേണ്ടത് തിയറ്ററിലാണെന്നും തിയറ്റര് ഇല്ലാത്ത സമയത്താണ് ഒ.ടി.ടി യെ ആശ്രയിച്ചതെന്നും അദ്ദേഹം പറഞ്ഞു. ഇപ്പോള് തിയറ്റര് തുറന്നപ്പോള് തിയറ്ററില് തന്നെ സിനിമ കാണിക്കണമെന്നാണ് സര്ക്കാര് നിലപാട്. മോഹന് ലാല് ചിത്രമായ മരയ്ക്കാര് അറബിക്കടലിന്റെ സിംഹം തിയറ്ററില് തന്നെ പ്രദര്ശിപ്പിക്കുമെന്ന് അദ്ദേഹം അറിയിച്ചു അതേസമയം മരയ്ക്കാര് സിനിമ റിലീസുമായി […]
തിരുവനന്തപുരം: 20 വര്ഷത്തെ ഇടവേളക്ക് ശേഷം കോണ്ഗ്രസിലേക്ക് മടങ്ങുന്നുവെന്ന് ഇടതു സഹയാത്രികന് ചെറിയാന് ഫിലിപ്പ്. കഴിഞ്ഞ ദിവസം കെ.പി.സി.സി പ്രസിഡന്റ് കെ.സുധാകരന് കോണ്ഗ്രസിലേക്ക് തന്നെ സ്വാഗതം ചെയ്തിരുന്നു. കോണ്ഗ്രസിലേക്ക് മടങ്ങുന്നതിന് മുന്നോടിയായി എ.കെ. ആന്റണിയെ കണ്ട് അനുഗ്രഹം തേടിയെന്ന് ചെറിയാന് ഫിലിപ്പ് പറഞ്ഞു. പാര്ലെമന്ററി, സംഘടന രംഗത്ത് സ്ഥിരം മുഖങ്ങള് വരുന്നതിനെ താന് അന്ന് എതിര്ത്തിരുന്നു. ഈ രീതി മാറണമെന്നും ആവശ്യപ്പെട്ടിരുന്നു. എന്നാല്, താന് അന്ന് പറഞ്ഞത് ഇപ്പോള് കോണ്ഗ്രസിനകത്ത് നടപ്പാക്കുന്നുവെന്നും അദ്ദേഹം കൂട്ടിച്ചേര്ത്തു. കോണ്ഗ്രസിലേക്കുള്ള മമുന്നോടിയായി ഇടത് […]
ഇടുക്കി: മുല്ലപ്പെരിയാര് ഡാമിന്റെ സ്പില്വേ ഷട്ടറുകള് തുറക്കുന്നതിന് തന്നെ ക്ഷണിച്ചില്ലെന്ന് പരാതിയുമായി ഇടുക്കി എം.പി ഡീന് കുര്യാക്കോസ്. ഡാം തുറക്കുന്നതുമായി ബന്ധപ്പെട്ട ഒരു അവലോകന യോഗത്തിലേക്കും തന്നെ ക്ഷണിക്കാത്തതില് സ്ഥലം എം.പി എന്ന നിലയില് പ്രതിഷേധമുണ്ടെന്നും അദ്ദേഹം പറഞ്ഞു. മുല്ലപ്പെരിയാര് ഡാം ഷട്ടറുകള് തുറക്കുമ്ബോള് അവിടെ പോകേണ്ട കാര്യമില്ല. എന്നാല് ജനങ്ങളുടെ കാര്യം സംബന്ധിച്ച അവലോകനയോഗങ്ങളില് ക്ഷണിച്ചിട്ടില്ല. ജനങ്ങള്ക്കൊപ്പം നില്ക്കുന്ന വ്യക്തിയാണ് താനെന്നും ഡീന് പ്രതികരിച്ചു. അതേസമയം ഡീന് കുര്യാക്കോസിനെ മുല്ലപ്പെരിയാറിലേക്ക് പോകാന് ക്ഷണിച്ചിരുന്നുവെന്ന് മന്ത്രി റോഷി അഗസ്റ്റിന് […]
മുംബയ്: ആഡംബരക്കപ്പലിലെ ലഹരിപാര്ട്ടിക്കേസില് നടന് ഷാരൂഖ് ഖാന്റെ മകന് ആര്യന് ഖാന് ബോംബെ ഹൈക്കോടതി ജാമ്യം അനുവദിച്ചു. നാര്ക്കോട്ടിക്സ് കണ്ട്രോള് ബ്യൂറോ (എന്.സി.ബി) അറസ്റ്റ് ചെയ്ത് 25 ദിവസത്തിന് ശേഷമാണ് ജാമ്യം ലഭിക്കുന്നത്. കേസ് പരിഗണിച്ച ജസ്റ്റിസ് എന്.ഡബ്ളിയൂ സാംബ്രെയാണ് ജാമ്യം അനുവദിച്ചത്. ഒക്ടോബര് മൂന്നാം തീയതിയാണ് ആഡംബര കപ്പലിലെ ലഹരിപാര്ട്ടി കേസില് ആര്യന്ഖാന്റെയും മറ്റ് രണ്ടുപേരുടെയും അറസ്റ്റ് രേഖപ്പെടുത്തിയത്. പ്രതികള്ക്ക് ജാമ്യം നല്കിയാല് തെളിവ് നശിപ്പിക്കാന് സാദ്ധ്യതയുണ്ടെന്ന് എന്.സി.ബി കോടതിയില് പറഞ്ഞിരുന്നു. അതിനാല് നാല് വ്യവസ്ഥകളോടെയാണ് ജാമ്യം […]
admin
