യൂണിഫോമിൽ സേവ് ദ ഡേറ്റ് ഫോട്ടോഷൂട്ട്; വനിതാ എസ് ഐ വിവാദത്തിൽ
December 7, 2021 2:24 pm
0
കോഴിക്കോട്: വനിതാ എസ് ഐയുടെ സേവ് ദ ഡേറ്റ് ഫോട്ടോഷൂട്ട് വിവാദത്തില്‍. കോഴിക്കോട് സിറ്റി പരിധിയിലെ പൊലീസ് സ്റ്റേഷനിലെ വനിതാ പ്രിന്‍സിപ്പല്‍ എസ് ഐയാണ് വിവാദത്തില്‍പ്പെട്ടിരിക്കുന്നത്.
യൂണിഫോമിട്ട് ഫോട്ടോഷൂട്ടിന് പോസ് ചെയ്തതാണ് വിവാദത്തിന് കാരണം.
പൊലീസ് ഉദ്യോഗസ്ഥര്‍ അവരുടെ സോഷ്യല്‍ മീഡിയ അക്കൗണ്ടുകളില്‍ യൂണിഫോമിലുള്ള ചിത്രങ്ങള്‍ പോസ്റ്റ് ചെയ്യരുതെന്ന് 2015ല്‍ ഡി ജി പി ഉത്തരവിട്ടിരുന്നു. ടി പി സെന്‍കുമാര്‍ ഡി ജി പി ആയിരിക്കെയാണ് സമൂഹമാദ്ധ്യമങ്ങള്‍ ഉപയോഗിക്കുമ്ബോള്‍ സേനാംഗങ്ങള്‍ പാലിക്കേണ്ട മാര്‍ഗനിര്‍ദേശങ്ങളെക്കുറിച്ച്‌ ഉത്തരവിറക്കിയത്.
എസ് ഐയുടെ സേവ് ദ ഡേറ്റ് ഇതിനോടകം തന്നെ സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്. ഇത് യൂണിഫോമിനെ അപകീര്‍ത്തിപ്പെടുത്തലാണെന്നും, ഡി ജി പിയുടെ ഉത്തരവിന്റെ ലംഘനമാണെന്നും സേനാംഗങ്ങള്‍ തന്നെ വിമര്‍ശിക്കുന്നുണ്ട്. എസ് ഐയ്‌ക്കെതിരെ നടപടി ഉണ്ടായേക്കും.
