ശിവന്‍കുട്ടി രാജിവയ്ക്കണമെന്ന് ചെന്നിത്തല
July 28, 2021 2:46 pm
0
തിരുവനന്തപുരം: നിയമസഭാ കൈയാങ്കളി കേസില്‍ സര്‍ക്കാരിന് ഇന്നുണ്ടായത് കനത്ത തിരിച്ചടിയെന്ന് രമേശ് ചെന്നിത്തല. നാല് വര്‍ഷമായി ഈ കേസില്‍ ഒരു ജനപ്രതിനിധിയെന്ന നിലയില്‍ താന്‍ നിയമപോരാട്ടം നടത്തി വരികയായിരുന്നു. ഇന്ത്യന്‍ ജനാധിപത്യത്തിലെ നാഴികക്കല്ലാണ് ഈ വിധിയെന്നും ചെന്നിത്തല പറഞ്ഞു.
കേസ് ഹൈക്കോടതിയില്‍ എത്തിയ ഘട്ടത്തില്‍ തങ്ങള്‍ക്കൊപ്പം നില്‍ക്കാതിരുന്ന പ്രോസിക്യൂട്ടര്‍ ബീനയെ സ്ഥലം മാറ്റിയാണ് ഈ സര്‍ക്കാര്‍ പ്രതികാരം ചെയ്തത്. കേസ് റദ്ദാക്കാന്‍ സര്‍ക്കാര്‍ മുന്നോട്ട് വച്ച വാദ്ദങ്ങളൊന്നും നിലനില്‍ക്കില്ലെന്ന് പ്രോസിക്യൂട്ടര്‍ ആദ്യമേ തിരിച്ചറിഞ്ഞിരുന്നു. സുപ്രീംകോടതിയുടെ വിധിയുടെ പശ്ചാത്തലത്തില്‍ കേസില്‍ വിചാരണ നേരിടുന്ന മന്ത്രി ശിവന്‍കുട്ടി രാജിവയ്ക്കണം. കേസില്‍ കുറ്റമുക്തനായാല്‍ ശിവന്‍കുട്ടിക്ക് മന്ത്രിസഭയിലേക്ക് തിരിച്ച്‌ വരാമെന്നും ചെന്നിത്തല പറഞ്ഞു.
