തിരുവനന്തപുരം: ദത്ത് വിവാദ കേസില് കോടതി ഉത്തരവ് പ്രകാരം കുഞ്ഞിനെ അനുപമയ്ക്ക് കൈമാറി. തിരുവനന്തപുരം കുടുംബ കോടതിയാണ് ഇത് സംബന്ധിച്ച് വിധി പുറപ്പെടുവിച്ചത്. ബുധനാഴ്ച വൈകീട്ടോടെയാണ് കുഞ്ഞിനെ അനുപമ ഏറ്റുവാങ്ങിയത്.
ജഡ്ജിയുടെ ചേംമ്പറില്വെച്ചാണ് കുഞ്ഞിനെ അനുപമയ്ക്ക് കൈമാറിയത്. ബുധനാഴ്ച ഉച്ചയോടെ കുഞ്ഞിനെ പോലീസ് അകമ്പടിയിലാണ് കോടതിയിലെത്തിച്ചിരുന്നത്. തുടര്ന്ന് കുഞ്ഞിനെ കോടതിയില് വെച്ചു തന്നെ അനുപമയ്ക്ക് കൈമാറി. ശിശുക്ഷേമ സമിതി ഉദ്യോഗസ്ഥരാണ് കുഞ്ഞിനെ അനുപമയ്ക്ക് കൈമാറിയത്.
ശിശുക്ഷേമ സമിതിയുടെ വാഹനത്തില് പോലീസ് അകമ്പടിയോടെയാണ് കുഞ്ഞിനെ കോടതിയിലെത്തിച്ചത്. ഡിഎന്എ പരിശോധനാഫലം അനുപമയ്ക്ക് അനുകൂലമായ സാഹചര്യത്തില് എത്രയും വേഗം കുട്ടിയെ കൈമാറാനുള്ള നടപടികള് സ്വീകരിക്കാനാണ് സര്ക്കാര് ഗവണ്മെന്റ് പ്ലീഡര്ക്ക് നല്കിയിരുന്ന നിര്ദേശം.