കടലിൽ അപകടത്തിൽപ്പെടുന്ന മത്സ്യത്തൊഴിലാളികളുടെ ജീവൻ രക്ഷിക്കാൻ അത്യാധുനിക സംവിധാനങ്ങളുമായി കേരള സർക്കാർ രംഗത്ത്. ഇതിന്റെ ഭാഗമായി സംസ്ഥാനത്തെ ആദ്യത്തെ ഡ്രോൺ സ്റ്റേഷൻ തിരുവനന്തപുരത്തെ വിഴിഞ്ഞത്ത് സ്ഥാപിക്കാൻ തീരുമാനിച്ചു. വിഴിഞ്ഞം കടലിൽ ഡ്രോണുകൾ ഉപയോഗിച്ച് നടത്തിയ ട്രയൽ റൺ വിജയിച്ചതിനെത്തുടർന്നാണ് ഫിഷറീസ് വകുപ്പ് ഈ നിർണ്ണായക പദ്ധതിക്ക് തുടക്കം കുറിക്കുന്നത്. കടലിൽ വെച്ച് കാണാതാകുന്നവരെയും അപകടത്തിൽപ്പെടുന്നവരെയും അതിവേഗം കണ്ടെത്താൻ സഹായിക്കുന്ന റോബോട്ടിക് ഡ്രോണുകളാണ് ഈ സ്റ്റേഷനിൽ സജ്ജമാക്കുന്നത്. കടലിനടിയിലും ഉപരിതലത്തിലും ഒരുപോലെ പ്രവർത്തിക്കാൻ ശേഷിയുള്ള സാങ്കേതികവിദ്യയാണ് ഇതിനായി ഉപയോഗിക്കുന്നത്. […]