മകന്റെ അപ്രതീക്ഷിത വിയോഗത്തിന്റെ തീരാദുഃഖത്തിനിടയിലും, മാനവികതയുടെ വലിയൊരു സന്ദേശം ലോകത്തിന് കാട്ടിക്കൊടുക്കുകയാണ് ഇരിങ്ങൽ സ്വദേശി വിഷ്ണുവിന്റെ കുടുംബം. തലച്ചോറിലെ രക്തസ്രാവത്തെത്തുടർന്ന് ചികിത്സയിലിരിക്കെ മസ്തിഷ്ക മരണം സംഭവിച്ച ഇരുപതുകാരനായ വിഷ്ണു, തന്റെ അവയവദാനത്തിലൂടെ നാല് പേർക്ക് പുതുജീവൻ നൽകിയാണ് യാത്രയാകുന്നത്. ഹോട്ടൽ മാനേജ്‌മെന്റ് വിദ്യാർഥിയായിരുന്ന വിഷ്ണുവിന്റെ വിയോഗം നാടിനെയാകെ കണ്ണീരിലാഴ്ത്തിയിരുന്നു. എന്നാൽ, മകന്റെ വേർപാട് നൽകിയ കടുത്ത വേദനയിലും, അവയവങ്ങൾ കാത്തുകഴിയുന്ന നിരവധി പേരുടെ ജീവൻ രക്ഷിക്കാനായി അവയവദാനത്തിന് സമ്മതം നൽകാൻ വിഷ്ണുവിന്റെ മാതാപിതാക്കളും ബന്ധുക്കളും കാണിച്ച മനസ്സ് […]