തൃശൂര്: കൊടകര കോടാലി കപ്പേള ജംഗ്ഷനിലെ സ്ഥാപനത്തില് പാചക വാതക സിലിണ്ടറുകള് കൂട്ടത്തോടെ പൊട്ടിത്തെറിച്ച് ഉഗ്രസ്ഫോടനം. ഗ്യാസ് അടുപ്പുകള് വില്ക്കുകയും സര്വീസ് നടത്തുകയും ചെയ്യുന്ന സ്ഥാപനത്തിലാണ് അപകടം. ഇവിടെ ഗ്യാസ് നിറച്ചു വെച്ചിരുന്ന സിലിണ്ടറുകളാണ് പൊട്ടിത്തെറിച്ചത്. സ്ഥാപനം പൂര്ണമായും തകരുകയും തീ ആളിപ്പടരുകയും ചെയ്തു. ആളപായം ഇല്ല. അഗ്നിരക്ഷാസേനയുടെ 2 യൂണിറ്റ് എത്തിയാണ് തീ അണക്കുന്നത്. ഇപ്പോള് നിയന്ത്രണവിധേയമായി.
ന്യൂഡല്ഹി: ജി 7 ഉച്ചകോടിക്ക് പ്രധാനമന്ത്രി നരേന്ദ്ര മോദിയെ ക്ഷണിക്കില്ലെന്ന് സൂചന. ജൂണില് നടക്കുന്ന ഉച്ചകോടിയില് ഇന്ത്യയെ അതിഥിയായി ക്ഷണിച്ചേക്കുമെന്ന് റിപ്പോര്ട്ടുകളുണ്ടായിരുന്നു. എന്നാല്, റഷ്യ–യുക്രെയ്ന് തര്ക്കത്തില് റഷ്യക്ക് അനുകൂലമായ നിലപാട് ഇന്ത്യ സ്വീകരിച്ചതോടെയാണ് വിലക്കാനുള്ള ശ്രമങ്ങള് ആരംഭിച്ചത്. ഉച്ചകോടിയില് സെനഗല്, ദക്ഷിണാഫ്രിക്ക, ഇന്തോനേഷ്യ എന്നിവരെ അതിഥികളാക്കാന് തീരുമാനിച്ചിട്ടുണ്ട്. എന്നാല്, ഇന്ത്യയുടെ കാര്യത്തില് ഇപ്പോഴും ധാരണയായിട്ടില്ലെന്നാണ് റിപ്പോര്ട്ട്. യു.എന് മനുഷ്യാവകാശ കൗണ്സിലില് നടന്ന റഷ്യക്കെതിരായ വോട്ടെടുപ്പില് നിന്ന് ഇന്ത്യയുള്പ്പടെയുള്ള 50 രാജ്യങ്ങള് വിട്ടുനിന്നിരുന്നു. ഇത് പാശ്ചാത്യ രാജ്യങ്ങളെ പ്രകോപിപ്പിച്ചിരുന്നു. […]
കൊച്ചി: നടിയെ ആക്രമിച്ച കേസില് കാവ്യ മാധവന്റെ ചോദ്യം ചെയ്യല് ഇന്നുണ്ടാകില്ല. കാവ്യയെ പദ്മ സരോവരം വീട്ടില് വെച്ച് ചോദ്യം ചെയ്യേണ്ടെന്നാണ് ക്രൈംബ്രാഞ്ചിന്റെ തീരുമാനം.തുടര് നടപടികള് ആലോചിച്ച് തീരുമാനിക്കുമെന്ന് ക്രൈംബ്രാഞ്ച് അറിയിച്ചു. ചോദ്യം ചെയ്യലിന് ഹാജരാകാന് ആവശ്യപ്പെട്ട് കാവ്യ മാധവന് ക്രൈംബ്രാഞ്ച് നോട്ടീസ് നല്കിയിരുന്നു. ഇന്ന് ഉച്ചയ്ക്ക് രണ്ട് മണിക്ക് ഹാജരാകാനാണ് നോട്ടീസ് നല്കിയത്. എന്നാല്, വീട്ടില് വച്ച് ചോദ്യം ചെയ്യാന് ആകില്ലെന്നാണ് ക്രൈംബ്രാഞ്ച് സംഘം ആവര്ത്തിച്ച് വ്യക്തമാക്കുന്നത്. വീടിന് പകരം സൗകര്യപ്രദമായ സ്ഥലം പറയാന് കാവ്യയോട് […]
കോഴിക്കോട് സര്ക്കാര് സ്കൂളിന്റെ മേല്ക്കൂര തകര്ന്നു വീണു. തോട്ടുമുക്കം ഗവണ്മെന്റ് യുപി സ്കൂളിന്റെ എല്കെജി ക്ലാസ് മുറിയുടെ ഓട് മേഞ്ഞ മേല്ക്കൂരയാണ് തകര്ന്നുവീണത്. സ്കൂള് അധികൃതര് കെട്ടിടത്തിന്റെ ബലക്ഷയത്തെക്കുറിച്ച് റിപ്പോര്ട്ട് നല്കിയിരുന്നു. ഇതിന്റെ നവീകരണ പ്രവര്ത്തന നടപടികള് തുടങ്ങാനിരിക്കെയാണ് അപകടം. കെട്ടിടം തകര്ന്നത് സ്കൂള് പ്രവര്ത്തനത്തെ ബാധിക്കില്ലെന്ന് പ്രധാനാധ്യാപകന് പറഞ്ഞു. കഴിഞ്ഞ ദിവസം ഈ മേഖലയിലയില് ശക്തമായ കാറ്റും മഴയുമുണ്ടായിരുന്നു.
പാലക്കാട്: എലപ്പുള്ളിയില് മൂന്നു വയസ്സുകാരനെ അമ്മ ശ്വാസം മുട്ടിച്ചു കൊലപ്പെടുത്തിയത് സുഹൃത്തിനൊപ്പം ജീവിക്കാനാണെന്ന് മൊഴി. എലപ്പുള്ളി ചുട്ടിപ്പാറ സ്വദേശി മുഹമ്മദ് ഷമീര് – ആസിയ ദമ്ബതികളുടെ മകന് മുഹമ്മദ് ഷാനാണ് ഇന്നലെ കൊല്ലപ്പെട്ടത്. കേസില് അമ്മ ആസിയയെ പൊലീസ് ഇന്നലെ രാത്രി അറസ്റ്റ് ചെയ്തിരുന്നു. തുടര്ന്ന് നടത്തിയ ചോദ്യം ചെയ്യലിലാണ് മകനെ കൊലപ്പെടുത്തിയത് സുഹൃത്തിനൊപ്പം ജീവിക്കാന് വേണ്ടിയാണെന്ന് ആസിയ മൊഴി നല്കിയത്. ഒരു വര്ഷത്തോളമായി ആസിയയും ഭര്ത്താവ് മുഹമ്മദ് ഷമീറും വേര്പിരിഞ്ഞ് കഴിയുകയായിരുന്നു. ഷമീറിന് സംസാരശേഷി കുറവുണ്ട്. […]
കൊച്ചി: നടിയെ ആക്രമിച്ച കേസില് കോടതി ഉത്തരവുകള് പ്രസിദ്ധീകരിക്കുന്നതില്നിന്ന് മാധ്യമങ്ങളെ തടയാനാവില്ലെന്ന് ഹൈക്കോടതി.ദിലീപിന്റെ സഹോദരീ ഭര്ത്താവ് സുരാജിന്റെ ഹരജിയിലാണ് കോടതി നിലപാട് വ്യക്തമാക്കിയത്. നടിയെ ആക്രമിച്ച കേസിന്റെ തുടരന്വേഷണ വിവരങ്ങള് മാധ്യമങ്ങള്ക്ക് നല്കരുതെന്ന് പറയാന് നിയമപരമായി സുരാജിന് കഴിയില്ലെന്ന് പ്രോസിക്യൂഷന് കോടതിയെ അറിയിച്ചു. നടിയെ ആക്രമിച്ച കേസില് സുരാജ് പ്രതിയല്ല. വധഗൂഢാലോചനാ കേസിലാണ് സുരാജ് പ്രതി തുടങ്ങിയ കാര്യങ്ങള് പ്രോസിക്യൂഷന് കോടതിയെ അറിയിച്ചു. ഈ അവസരത്തിലാണ് കോടതി നടപടികള് റിപ്പോര്ട്ട് ചെയ്യുന്നത് തടയാനാവില്ലെന്ന് വ്യക്തമാക്കിയത്. അതേസമയം കേസിന്റെ […]
കൊച്ചി: നടിയെ ആക്രമിച്ച കേസില് നടന് ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് ക്രൈംബ്രാഞ്ച് വിചാരണ കോടതിയില് അപേക്ഷ നല്കിഅടുത്തിടെ പുറത്തുവന്ന പുതിയ തെളിവുകള് ചൂണ്ടിക്കാട്ടിയാണ് ക്രൈംബ്രാഞ്ച് നീക്കം. ജാമ്യവ്യവസ്ഥകള് എല്ലാം ദിലീപ് ലംഘിച്ചുവെന്നാണ് ക്രൈംബ്രാഞ്ചിന്റെ കണ്ടെത്തല്. തെളിവ് നശിപ്പിക്കാന് ശ്രമിച്ചുവെന്നും സാക്ഷികളെ അഭിഭാഷകര് മുഖേനയും നേരിട്ടും സ്വാധീനിക്കാന് ശ്രമിച്ചുവെന്നും ക്രൈംബ്രാഞ്ച് കോടതിയെ അറിയിക്കും. ജാമ്യവ്യവസ്ഥകള് ലംഘിച്ചാല് അന്വേഷണ ഉദ്യോഗസ്ഥന് വിചാരണക്കോടതിയെ സമീപിക്കാമെന്ന് നേരത്തെ ഹൈകോടതി നിര്ദേശിച്ചിരുന്നു. നടിയെ ആക്രമിച്ച കേസിലെ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസിലെ […]
തിരുവനന്തപുരം: തമിഴ്നാടിന്റെ തീരത്തിന് മുകളില് നിലനില്ക്കുന്ന ചക്രവാതച്ചുഴിയുടെ സ്വാധീനത്തില് കേരളത്തില് ഇടിമിന്നലോടു കൂടിയ മഴ തുടരും.ഒറ്റപ്പെട്ട ശക്തമായ മഴ അടുത്ത അഞ്ചു ദിവസവും തുടരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇതിന്റെ പശ്ചാത്തലത്തില് സംസ്ഥാനത്തെ ഏഴു ജില്ലകളില് യെല്ലോ അലര്ട്ട് പുറപ്പെടുവിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി , എറണാകുളം ജില്ലകളിലാണ് അതിശക്തമായ മഴ മുന്നറിയിപ്പ് പുറപ്പെടുവിച്ചിട്ടുളളത്. 60 കിലോമീറ്റര് വരെ വേഗതയില് കാറ്റിനും സാധ്യതയുണ്ട്. പത്തനംതിട്ട ജില്ലയില് ഒറ്റപ്പെട്ട അതിതീവ്ര മഴയ്ക്ക് […]
തിരുവനന്തപുരം: കെ.ആര്. ജ്യോതിലാലിനെ പൊതുഭരണ വകുപ്പ് പ്രിന്സിപ്പല് സെക്രട്ടറിയായി വീണ്ടും നിയമിച്ചു.നയതന്ത്ര സ്വര്ണക്കേസില്പ്പെട്ട എം. ശിവശങ്കറിന് കൂടുതല് ചുമതലകളും നല്കി. ഗവര്ണറുടെ അതൃപ്തിയെ തുടര്ന്നാണ് ജ്യോതിലാലിനെ പൊതുഭരണ വകുപ്പില് നിന്നും മാറ്റിയത്. ഗവര്ണറുടെ പഴ്സണല് സ്റ്റാഫില് ബിജെപി നേതാവ് ഹരി എസ്. കര്ത്തയെ നിയമിച്ചതിനെ ജ്യോതിലാല് ചോദ്യം ചെയ്തിരുന്നു. ഇതുമായി ബന്ധപ്പെട്ട് ജ്യോതിലാല് ഗവര്ണര്ക്ക് കത്തയയ്ക്കുകയും ചെയ്തിരുന്നു. ഇതില് കലിപൂണ്ട ഗവര്ണര് നയപ്രഖ്യാപന പ്രസംഗത്തില് ഒപ്പിടാന് വിസമ്മതിച്ചു.തുടര്ന്ന് ജ്യോതിലാലിനെ സ്ഥാനത്ത് നിന്നും മാറ്റിയപ്പോഴാണ് ഗവര്ണര് നയപ്രഖ്യാപന പ്രസംഗത്തില് […]
കൊച്ചി: യെമന് പൗരനെ കൊലപ്പെടുത്തിയ കേസില് മലയാളിയായ നിമിഷ പ്രിയയുടെ മോചനത്തിനായി കേന്ദ്ര സര്ക്കാരിന്റെ ഇടപെടല് ആവശ്യപ്പെട്ടുള്ള ഹര്ജി തള്ളി.സേവ് നിമിഷ പ്രി ആക്ഷന് കൗണ്സില് സമര്പ്പിച്ച ഹര്ജിയാണ് ഡല്ഹി ഹൈക്കോടതി തള്ളിയത്. നയതന്ത്ര ഇടപെടലിന് കഴിയില്ലെന്ന് കേന്ദ്ര സര്ക്കാര് നിലപാടെടുത്തു. നഷ്ട പരിഹാരം നല്കിയുള്ള ഒത്തുതീര്പ്പ് ചര്ച്ചയ്ക്കും കഴിയില്ലെന്ന് സര്ക്കാര് കോടതിയെ അറിയിച്ചു.
admin
