പന്തളം: മകരവിളക്ക് മഹോത്സവത്തിനായി ശബരിമല അയ്യപ്പ വിഗ്രഹത്തിൽ ചാർത്താനുള്ള തിരുവാഭരണങ്ങളും വഹിച്ചുകൊണ്ടുള്ള ഘോഷയാത്ര ഇന്ന് പന്തളത്തുനിന്ന് പുറപ്പെടും. ഉച്ചയ്ക്ക് ഒരു മണിക്ക് പന്തളം വലിയ കോയിക്കൽ ധർമ്മശാസ്താ ക്ഷേത്രത്തിൽ നിന്നാണ് യാത്ര ആരംഭിക്കുന്നത്. പന്തളം കൊട്ടാരത്തിലെ ശ്രാമ്പിക്കൽ കൊട്ടാരത്തിൽ സൂക്ഷിച്ചിരുന്ന തിരുവാഭരണങ്ങൾ പുലർച്ചെ തന്നെ ഭക്തർക്ക് ദർശനം നടത്തുന്നതിനായി വലിയ കോയിക്കൽ ക്ഷേത്രത്തിലേക്ക് മാറ്റിയിരുന്നു. രാജപ്രതിനിധി പുണർതം നാൾ നാരായണ വർമ്മയാണ് ഇത്തവണത്തെ ഘോഷയാത്രയ്ക്ക് നേതൃത്വം നൽകുന്നത്. ഭക്തിസാന്ദ്രമായ അന്തരീക്ഷത്തിൽ ശരണമന്ത്രങ്ങളുടെ അകമ്പടിയോടെയാണ് ഘോഷയാത്ര നീങ്ങുന്നത്. ആകാശത്ത് […]