സംസ്ഥാനത്ത് മഴക്കാലം ശക്തമായതോടെ പകർച്ചപ്പനികളുടെ വ്യാപനം ആശങ്കപ്പെടുത്തുന്ന തലത്തിലേക്ക് ഉയരുന്നു. ദിവസേന പതിനായിരത്തിലധികം ആളുകളാണ് പനി ബാധിച്ച് സംസ്ഥാനത്തെ വിവിധ സർക്കാർ-സ്വകാര്യ ആശുപത്രികളിൽ ചികിത്സ തേടുന്നത്. ഇതിനു പുറമെ, ഷിഗെല്ല പോലുള്ള അതിതീവ്ര രോഗങ്ങളും ഡെങ്കിപ്പനിയും കൂടി റിപ്പോർട്ട് ചെയ്യപ്പെടുന്നത് ആരോഗ്യമേഖലയെ വലിയ പ്രതിസന്ധിയിലാക്കിയിരിക്കുകയാണ്. കണക്കുകള്‍ നല്‍കുന്ന മുന്നറിയിപ്പ് ആരോഗ്യവകുപ്പിന്റെ കണക്കുപ്രകാരം പനി ബാധിതരുടെ എണ്ണത്തിൽ വൻ വർധനവാണ് ഉണ്ടായിരിക്കുന്നത്. വൈറൽ പനികൾക്ക് പുറമെ, ശുചിത്വമില്ലാത്ത സാഹചര്യങ്ങളിലൂടെ പകരുന്ന ഷിഗെല്ല ബാക്ടീരിയയുടെ സാന്നിധ്യം ചില ജില്ലകളിൽ സ്ഥിരീകരിച്ചിട്ടുണ്ട്. […]