തമിഴ്നാട്ടിലെ എല്ലാ എംഎൽഎമാർക്കും ഔദ്യോഗിക വാഹനങ്ങളും മാസം തോറും വലിയ തോതിലുള്ള അലവൻസുകളും നൽകിക്കൊണ്ട് മുഖ്യമന്ത്രിസി. ജോസഫ് വിജയ്നിയമസഭയിൽ നിർണ്ണായക പ്രഖ്യാപനം നടത്തി. ഇന്ന് നിയമസഭയിൽ ചട്ടം 110-ൻ്റെ കീഴിൽ നടത്തിയ സുപ്രധാന പ്രസ്താവനയിലൂടെയാണ് ജനപ്രതിനിധികളുടെ പ്രവർത്തനക്ഷമത വർദ്ധിപ്പിക്കുന്നതിനുള്ള ഈ പദ്ധതി പുറത്തുവിട്ടത്.
മണ്ഡലങ്ങളിലെ ജനകീയ പ്രശ്നങ്ങൾ കൃത്യമായി മനസ്സിലാക്കാനും, സർക്കാരിൻ്റെ പദ്ധതികൾ സാധാരണക്കാരായ ജനങ്ങളിലേക്ക് തടസ്സങ്ങളില്ലാതെ എത്തിക്കാനും എംഎൽഎമാർക്ക് മികച്ച യാത്രാസൗകര്യങ്ങൾ അത്യാവശ്യമാണെന്ന് മുഖ്യമന്ത്രിസി. ജോസഫ് വിജയ്വ്യക്തമാക്കി. പുതിയ പ്രഖ്യാപനപ്രകാരം സംസ്ഥാനത്തെ എല്ലാ എംഎൽഎമാർക്കും ഔദ്യോഗിക ആവശ്യങ്ങൾക്കായി കാറുകൾ നൽകും.
കൂടാതെ കാറിൻ്റെ അറ്റകുറ്റപ്പണികൾ, ഇന്ധനം, ഡ്രൈവർ എന്നിവയുടെ ചെലവുകൾക്കായി പ്രതിമാസം 75,000 രൂപ അലവൻസായി അനുവദിക്കുമെന്നും അദ്ദേഹം അറിയിച്ചു.
ഇതിനുപുറമെ, എംഎൽഎമാരുടെ ഓഫീസ് കാര്യങ്ങളും പേപ്പർ വർക്കുകളും സുഗമമായി മുന്നോട്ട് കൊണ്ടുപോകുന്നതിനായി അസിസ്റ്റന്റിനെ നിയമിക്കാൻ മാസം തോറും 25,000 രൂപയുടെ പ്രത്യേക ഗ്രാന്റും സർക്കാർ നൽകും. സാമ്പത്തിക പശ്ചാത്തലമോ മുൻപരിചയമോ ഇല്ലാതെ രാഷ്ട്രീയത്തിലേക്ക് കടന്നുവന്ന് ജനവിധി നേടിയിട്ടുള്ള പുതിയ എംഎൽഎമാർക്ക് മണ്ഡലങ്ങളിലെ ഔദ്യോഗിക പ്രവർത്തനങ്ങൾ കാര്യക്ഷമമായി ചെയ്യാൻ ഈ പിന്തുണ ഏറെ സഹായകരമാകും.
സാധാരണക്കാരായ ജനങ്ങളുടെ ഉന്നതി ലക്ഷ്യമിട്ട്തമിഴ്നാട് സർക്കാരുംതമിഴക വെട്രി കഴകം (ടി.വി.കെ)ഭരണകൂടവും സത്യസന്ധവും അഴിമതിരക്തവുമായ ഭരണമാണ് കാഴ്ചവെക്കുന്നതെന്ന്മുഖ്യമന്ത്രി വിജയ്കൂട്ടിച്ചേർത്തു. വിസികെ എംഎൽഎ ജ്യോതിമണി ഉൾപ്പെടെയുള്ളവർ നിയമസഭയിൽ ഉന്നയിച്ച ആവശ്യത്തെ തുടർന്നാണ് ഈ സുപ്രധാന തീരുമാനം. എംഎൽഎമാരുടെ അലവൻസുകൾ വർദ്ധിപ്പിച്ചതിനൊപ്പം മുഖ്യമന്ത്രിയുടെ സമഗ്ര ആരോഗ്യ ഇൻഷുറൻസ് പദ്ധതിയുടെ വാർഷിക പരിധി 5 ലക്ഷം രൂപയിൽ നിന്ന് 25 ലക്ഷം രൂപയായി ഉയർത്തുന്നതുൾപ്പെടെയുള്ള മറ്റ് ജനക്ഷേമ പ്രഖ്യാപനങ്ങളും ഇന്നത്തെനിയമസഭാ സമ്മേളനത്തിലുണ്ടായി.
