കേരളത്തിൽ കനത്ത മഴ തുടരുകയും മഴക്കെടുതികൾ രൂക്ഷമാകുകയും ചെയ്യുന്ന പശ്ചാത്തലത്തിൽ, സംസ്ഥാനത്തെ സ്ഥിതിഗതികൾ വിലയിരുത്താൻ മുഖ്യമന്ത്രി വി.ഡി. സതീശൻ ജില്ലാ കളക്ടർമാരുടെ അടിയന്തര ഓൺലൈൻ യോഗം വിളിച്ചു ചേർത്തു. സെക്രട്ടറിയേറ്റിൽ നിന്ന് വിർച്വലായാണ് യോഗം നടക്കുന്നത്.
സംസ്ഥാനത്ത് പലയിടത്തും ശക്തമായ മഴയെ തുടർന്ന് വെള്ളക്കെട്ടും മണ്ണിടിച്ചിലും രൂപപ്പെട്ടിട്ടുണ്ട്. പ്രധാന നദികളിലെല്ലാം ജലനിരപ്പ് ഉയരുന്ന സാഹചര്യത്തിൽ, ദുരിതാശ്വാസ പ്രവർത്തനങ്ങളും മുൻകരുതലുകളും ഏകോപിപ്പിക്കുന്നതിനാണ് ഈ ഉന്നതതല യോഗം വിളിച്ചിട്ടുള്ളത്.
യോഗത്തിൽ റവന്യൂ, ആഭ്യന്തര മന്ത്രിമാരും ചീഫ് സെക്രട്ടറിയും ജില്ലകളുടെ ചുമതലയുള്ള മന്ത്രിമാരും പങ്കെടുക്കുന്നുണ്ട്. ക്യാമ്പുകളുടെ പ്രവർത്തനം, ഡാമുകളിലെ ജലനിരപ്പ് നിരീക്ഷണം, അപകടസാധ്യതയുള്ള മേഖലകളിൽ നിന്നുള്ള ആളുകളെ സുരക്ഷിതമായി മാറ്റിപ്പാർപ്പിക്കൽ എന്നിവ യോഗത്തിൽ പ്രധാനമായും ചർച്ചയാകും. യോഗത്തിന് ശേഷം പ്രതിരോധ പ്രവർത്തനങ്ങളെക്കുറിച്ചുള്ള കൂടുതൽ നിർദ്ദേശങ്ങൾ മുഖ്യമന്ത്രി മാധ്യമങ്ങളെ അറിയിക്കും.
