റാഞ്ചി: ജാര്‍ഖണ്ഡിലെ ദിയോഘര്‍ ജില്ലയിലെ ബാബ ബൈദ്നാഥ് ക്ഷേത്രത്തിന് സമീപമുള്ള ത്രികുട് മലയില്‍ കേബിള്‍ കാറുകള്‍ തമ്മില്‍ കൂട്ടിയിടിച്ച്‌ രണ്ട് പേര്‍ മരിച്ചു.നിരവധി പേര്‍ക്ക് പരിക്കുള്ളതായി അധികൃതര്‍ പറഞ്ഞു. ഇന്നലെ വൈകീട്ടാണ് അപകടം നടന്നത്. റോപ്‌വേയിലെ 18 ക്യാബിനുകളിലായി ഏകദേശം 48 പേര്‍ മണിക്കൂറുകളായി കുടുങ്ങിക്കിടക്കുകയാണ്. വ്യോമസേനയുടെ ഹെലികോപ്ടറിന്റെ സഹായത്തോടെ രക്ഷാപ്രവര്‍ത്തനം നടന്നുകൊണ്ടിരിക്കുകയാണെന്നും അധികൃതര്‍ അറിയിച്ചു. കുടുങ്ങിക്കിടക്കുന്നവര്‍ക്ക് ഡ്രോണുകളുടെ സഹായത്തോടെ ഭക്ഷണവും വെള്ളവും എത്തിച്ചു. ഇന്നലെ വൈകീട്ട് അഞ്ച് മണിയോടെ താഴേക്ക് പോവുകയായിരുന്ന കേബിള്‍ കാറുകളിലൊന്ന് മുകളിലേക്ക് […]