കൊച്ചി: കോവിഡ്-19 ഭീതിയുടെ പശ്ചാത്തലത്തില് കൊച്ചി അന്താരാഷ്ട്ര വിമാനത്താവളത്തില് ഏര്പ്പെടുത്തിയ വിലക്ക് ലംഘിച്ച് അനധികൃതമായി സംഘടിച്ചെന്ന കേസില് രജിത് കുമാറിന് വേണ്ടി പൊലീസ് തെരച്ചില് ഊര്ജിതമാക്കി. ഇയാളുടെ സ്വദേശമായ ആറ്റിങ്ങലിലേക്ക് അന്വേഷണം വ്യാപിപ്പിച്ചിട്ടുണ്ട്. അതേസമയം, കേസില് അറസ്റ്റിലായവരുടെ എണ്ണം 16 ആയി.
ടി.വി റിയാലിറ്റി ഷോയില്ന്ന് പുറത്താക്കപ്പെട്ട രജിത് കുമാറിന് വിലക്ക് ലംഘിച്ച് സ്വീകരണമൊരുക്കിയ കേസില് രജിത് കുമാര് തന്നെയാണ് ഒന്നാം പ്രതി. അധ്യാപകന് കൂടിയായ രജിത് കുമാര് ഏതാനും വിദ്യാര്ഥികളെ മൊബൈലില് വിളിച്ച് തന്നെ സ്വീകരിക്കാന് എത്തണമെന്ന് ആവശ്യപ്പെടുകയായിരുന്നു. രാത്രി ഒമ്ബതോടെ ഇവര് ഒത്തുകൂടിയതോടെയാണ് പൊലീസ് വിവരമറിയുന്നത്. മുദ്രാവാക്യവുമായി ജനക്കൂട്ടം വിമാനത്താവളത്തില് സംഘടിച്ചു. ആലുവയിലെ ലോഡ്ജില് താമസിച്ച രജിത് കുമാര് സംഭവത്തില് കേസെടുത്തതോടെ ഇവിടുന്ന് മാറുകയായിരുന്നു.
50 പേരെ തിരിച്ചറിഞ്ഞിട്ടുണ്ട്. ഇവരെ പൊലീസ് സ്റ്റേഷനില് ഹാജരാകാന് ആവശ്യപ്പെട്ടിട്ടുണ്ട്.
