തിരുവനന്തപുരം: കൊറോണ വൈറസ് ബാധയുടെ പശ്ചാത്തലത്തില് സംസ്ഥാനത്ത് ഇന്റര്നെറ്റ് ക്ഷമത 40 ശതമാനം വര്ധിപ്പിക്കാമെന്ന് ടെലികോം കമ്ബനികള് ഉറപ്പ് നല്കിയെന്ന് മന്ത്രി കടകംപള്ളി സുരേന്ദ്രന് അറിയിച്ചു.
ഇന്റര്നെറ്റ് ബാന്ഡ് വിഡ്ത് നിരീക്ഷിക്കാന് ദിവസവും ഉച്ചയ്ക്ക് 12ന് ടെലികോം കമ്ബനികളില് നിന്നു വിവരം ശേഖരിക്കും. ഈ പ്രതിസന്ധി ഘട്ടത്തിലും രാഷ്ട്രീയം കളിക്കുന്നവര് മനസിലാക്കണം, ഇങ്ങനെയൊക്കെയാണ് ഈ സര്ക്കാര് ജനങ്ങള്ക്കൊപ്പം നില്ക്കുന്നതെന്നും അദ്ദേഹം ഫെയ്സ്ബുക്ക് പോസ്റ്റില് പറയുന്നു.
മുഖ്യമന്ത്രിയുടെ നിര്ദ്ദേശ പ്രകാരം ഐ.ടി സെക്രട്ടറി വിളിച്ച് ചേര്ത്ത യോഗത്തില് റിലയന്സ് ജിയോ, ബി.എസ്.എന്.എല്, വോഡഫോണ്, എയര്ടെല്, ടാറ്റ ടെലി സര്വ്വീസസ്, സെന്ട്രല് പവര് ഗ്രിഡ് കോര്പറേഷന് എന്നിവരുടെ പ്രതിനിധികളാണ് ഉറപ്പ് നല്കിയത്.
