കൊച്ചി: ലൈംഗിക പീഡനക്കേസില് മുന്കൂര് ജാമ്യം തേടി ശ്രീകാന്ത് വെട്ടിയാര് ഹൈക്കോടതിയില്.
പരാതി വ്യാജമാണെന്നും പരാതിക്കാരിക്ക് ഗൂഢ ലക്ഷ്യമാണെന്നുമാണ് ജാമ്യാപേക്ഷയില് ശ്രീകാന്ത് വെട്ടിയാര് ആരോപിച്ചത്.
മീ ടൂ വിവാദത്തെ തുടര്ന്ന് ദിവസങ്ങളായി ഒളിവില് കഴിയുകയായിരുന്നു യൂട്യൂബറായിരുന്ന ശ്രീകാന്ത് വെട്ടിയാര്. പിറന്നാള് ദിവസം ഫ്ലാറ്റില് എത്തിച്ച് പീഡിപ്പിച്ചെന്നും, വിവാഹ വാഗ്ദാനം നല്കി വീണ്ടും പീഡിപ്പിച്ചെന്നുമാണ് വെട്ടിയാര്ക്കെതിരെയുള്ള യുവതിയുടെ പരാതിയില് പറയുന്നത്.
പരാതിയുടെ അടിസ്ഥാനത്തില് പൊലീസ് അന്വേഷണം ആരംഭിച്ചെങ്കിലും പ്രതി ഒളിവില് പോവുകയായിരുന്നു. തന്റെ രണ്ട് ഫോണുകളും ഓഫ് ചെയ്തിട്ടായിരുന്നു യുവാവ് ഒളിവില് പോയത്. അതേസമയം, പരാതിക്കാരി സുഹൃത്തായിരുന്നുവെന്നും തന്നോട് സൗഹൃദം സ്ഥാപിച്ചത് ഗൂഢ ലക്ഷ്യത്തോടെെയായിരുണെന്നുമാണ് ശ്രീകാന്ത് വെട്ടിയാര് അവകാശപ്പെടുന്നത്.
