ഇന്നലെ അമേരിക്കൻ ലേബർ ഡിപ്പാർട്ട്മെന്റ് നടപ്പിലാക്കിയ പുതിയ ഉത്തരവ് പ്രകാരം ഇൻഫോസിസ്, ടാറ്റാ കൺസൾട്ടൻസി സർവീസസ് (TCS), വിപ്രോ, എച്ച്.സി.എൽ, കോഗ്നിസെന്റ്, കാപ്ജെമിനി, മൈക്രോസോഫ്റ്റ്, അഡോബി തുടങ്ങിയ പ്രമുഖ ആഗോള ടെക് കമ്പനികളെ പെർമനന്റ് ലേബർ സർട്ടിഫിക്കേഷൻ (PERM) പ്രോഗ്രാമിൽ നിന്നും സസ്പെൻഡ് ചെയ്തു. വിദേശ തൊഴിലാളികളുടെ നിയമനത്തിലെ ക്രമക്കേടുകൾ തടയാനും അമേരിക്കൻ പൗരന്മാർക്ക് കൂടുതൽ തൊഴിലവസരങ്ങൾ ഉറപ്പാക്കാനുമാണ് ഈ നടപടിയെന്ന് യുഎസ് അധികൃതർ വ്യക്തമാക്കി.
ഈ കർശന തീരുമാനപ്രകാരം, മേൽപ്പറഞ്ഞ കമ്പനികളുടെ പുതിയ ഗ്രീൻ കാർഡ് അപേക്ഷകൾ സ്വീകരിക്കുകയോ നിലവിലുള്ള അപേക്ഷകൾ പ്രോസസ്സ് ചെയ്യുകയോ ഇല്ല. H-1B വിസയിൽ ജോലി ചെയ്യുന്ന ആയിരക്കണക്കിന് ഇന്ത്യൻ ഐടി പ്രൊഫഷണലുകളുടെ സ്ഥിര താമസത്തിനായുള്ള ശ്രമങ്ങളെ ഈ തീരുമാനം സാരമായി ബാധിക്കുമെന്ന ആശങ്ക ശക്തമാണ്. എങ്കിലും, കമ്പനികളുടെ ദൈനംദിന പ്രവർത്തനങ്ങളെ പെട്ടെന്ന് ബാധിക്കില്ലെന്നും പ്രാദേശിക തൊഴിൽ നിയമങ്ങൾ പാലിച്ചു മുന്നോട്ടുപോകുമെന്നും പ്രമുഖ കമ്പനികൾ പ്രതികരിച്ചിട്ടുണ്ട്.
