കേരളത്തിലെ വിപണിയിൽ സ്വർണ്ണവിലയിൽ വലിയ മാറ്റങ്ങളാണ് പ്രകടമാകുന്നത്. ഇന്ന് കേരളത്തിൽ 24 കാരറ്റ് സ്വർണ്ണം 1 ഗ്രാമിന് ₹15,475 രൂപയും, 22 കാരറ്റ് സ്വർണ്ണം 1 ഗ്രാമിന് ₹14,185 രൂപയുമാണ് വ്യാപാരം പുരോഗമിക്കുന്നത്. അന്താരാഷ്ട്ര തലത്തിൽ സ്വർണ്ണവില വൻതോതിൽ താഴേണ്ടിയിരുന്നെങ്കിലും, ഇന്നലെ മുതൽ ക്രൂഡോയിൽ വിപണിയിലുണ്ടായ മുന്നേറ്റമാണ് ഇതിന് ശക്തമായ തടസ്സമായി നിൽക്കുന്നത്.
എന്തുകൊണ്ടാണ് ക്രൂഡോയിൽ സ്വർണ്ണവിലയെ സ്വാധീനിക്കുന്നത്? ക്രൂഡോയിൽ വില ഉയരുമ്പോൾ അത് ആഗോളതലത്തിൽ പണപ്പെരുപ്പ ആശങ്കകൾ വർദ്ധിപ്പിക്കുന്നു. പണപ്പെരുപ്പത്തിൽ നിന്നും കറൻസി മൂല്യത്തകർച്ചയിൽ നിന്നും രക്ഷനേടാൻ നിക്ഷേപകർ സുരക്ഷിത സങ്കേതമെന്ന നിലയിൽ സ്വർണ്ണത്തിലേക്ക് തിരിയുന്നു. ഇത് സ്വർണ്ണവില കൂടുതൽ ഇടിയുന്നതിൽ നിന്ന് തടയുന്നുവെന്ന് സാമ്പത്തിക വിദഗ്ധക്തർ വ്യക്തമാക്കുന്നു.
വിലകളിൽ എന്തുതന്നെ മാറ്റങ്ങൾ ഉണ്ടായാലും കേരളീയരെ സംബന്ധിച്ചിടത്തോളം സ്വർണ്ണം എക്കാലത്തെയും മികച്ച സുരക്ഷിത നിക്ഷേപമാണ്. നിക്ഷേപ മൂല്യത്തിനപ്പുറം ആഭരണങ്ങളായും നാണയങ്ങളായും സ്വർണ്ണം കൈവശം വെക്കാൻ ആളുകൾ താൽപ്പര്യപ്പെടുന്നു. സ്വർണ്ണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയോടൊപ്പം ക്രൂഡോയിൽ വിലയുംകൂടി ചേരുമ്പോഴാണ് കേരളത്തിലെ വിപണി വില പൂർണ്ണമാകുന്നത്.
