സംസ്ഥാനത്തിന്റെ പുതിയ മദ്യനയം രൂപീകരിക്കുന്നതിന്റെ ഭാഗമായി എക്സൈസ് വകുപ്പ് സംഘടിപ്പിക്കുന്ന തുറന്ന ചര്ച്ചകള്ക്ക് ഇന്ന് തുടക്കമാവുന്നു. തിരുവനന്തപുരത്ത് നടക്കുന്ന ചര്ച്ചകള്ക്ക് എക്സൈസ് മന്ത്രി എം. ലിജു അധ്യക്ഷത വഹിക്കും. ഈ മാസം 23 മുതല് 28 വരെയാണ് തിരുവനന്തപുരത്ത് ഔദ്യോഗിക ചര്ച്ചകള് നിശ്ചയിച്ചിരിക്കുന്നത്.
സമൂഹത്തിലെ വിവിധ തുറകളിൽ നിന്നുള്ളവരുടെ അഭിപ്രായങ്ങളും നിര്ദ്ദേശങ്ങളും സമഗ്രമായി പരിശോധിച്ച ശേഷമാകും പുതിയ മദ്യനയത്തിന് രൂപം നൽകുക. ഇതിന്റെ ഭാഗമായി വിവിധ സംഘടനകളുടെ പ്രതിനിധികൾ, ടൂറിസം മേഖലയിലുള്ളവർ, ബാറുടമകൾ, ഡിസ്റ്റിലറി ഉടമകൾ തുടങ്ങിയവരുമായി മന്ത്രി നേരിട്ട് ചർച്ചകൾ നടത്തും. നയരൂപീകരണം കൂടുതൽ സുതാര്യമാക്കുന്നതിന്റെ ഭാഗമായാണ് സർക്കാർ ഇത്തരത്തിലുള്ള തുറന്ന ചര്ച്ചാ രീതിക്ക് പ്രാധാന്യം നൽകുന്നത്.
പൊതുജനങ്ങള്ക്കും സാമൂഹിക പ്രവര്ത്തകര്ക്കും തങ്ങളുടെ വിലയേറിയ അഭിപ്രായങ്ങളും നിര്ദ്ദേശങ്ങളും സര്ക്കാരിനെ അറിയിക്കാനുള്ള പ്രത്യേക സൗകര്യവും എക്സൈസ് വകുപ്പ് ഒരുക്കിയിട്ടുണ്ട്. ഇതിനായി ഔദ്യോഗിക ഇമെയിൽ വിലാസം സർക്കാർ പുറത്തുവിട്ടിട്ടുണ്ട്. പൊതുജനങ്ങൾക്ക് തങ്ങളുടെ നിർദ്ദേശങ്ങൾ ഈ മെയിൽ വഴി അയച്ചുനൽകാവുന്നതാണ്. മദ്യവ്യാപാരം, ടൂറിസം വളർച്ച, ലഹരി വിരുദ്ധ പ്രവർത്തനങ്ങൾ, ബോധവൽക്കരണം തുടങ്ങിയ സുപ്രധാന വിഷയങ്ങളെല്ലാം ചര്ച്ചയില് കടന്നുവരുമെന്നാണ് പ്രതീക്ഷിക്കുന്നത്. ചര്ച്ചകളില് ഉയര്ന്നുവരുന്ന ക്രിയാത്മകമായ നിര്ദ്ദേശങ്ങള് ക്രോഡീകരിച്ച് സമഗ്രമായ ഒരു മദ്യനയം പുറത്തിറക്കാനാണ് എക്സൈസ് വകുപ്പ് ലക്ഷ്യമിടുന്നത്.
