തിരുവനന്തപുരം: വിദേശത്ത് നിന്നും കേരളത്തില് എത്തുന്ന യാത്രക്കാര്ക്ക് ഏഴുദിവസത്തെ നിര്ബന്ധിത ക്വാറന്റൈന്.
നേരത്തെ ഹൈ റിസ്ക് രാജ്യങ്ങളില് നിന്ന് വരുന്നവര്ക്ക് മാത്രമായിരുന്നു നിര്ബന്ധിത ക്വാറന്റൈന് ഏര്പ്പെടുത്തിയിരുന്നത്.
എന്നാല് ലോ റിസ്ക് രാജ്യങ്ങളില് നിന്ന് വരുന്നവരില് കോവിഡ് ബാധ കൂടുതലായും ബാധിക്കുന്നതെന്ന കണ്ടെത്തലിന്റെ അടിസ്ഥാനത്തിലാണ് വിദേശത്ത് നിന്ന് വരുന്ന എല്ലാവര്ക്കും ഏഴുദിവസത്തെ ക്വാറന്റൈന് നിര്ബന്ധമാക്കിയത്.
ക്വാറന്റൈന് ശേഷം എട്ടാംദിവസം ആര്ടിപിസിആര് പരിശോധന നടത്തണം. തുടര്ന്ന് നെഗറ്റീവാണെങ്കിലും ഒരാഴ്ച കൂടി സ്വയം നിരീക്ഷണത്തില് കഴിയണമെന്നും ആരോഗ്യവകുപ്പ് പുറത്തിറക്കിയ ഉത്തരവില് പറയുന്നു.
