ഇൻസ്റ്റാഗ്രാം പ്ലാറ്റ്‌ഫോമിലൂടെ കുട്ടികൾക്കെതിരായ ലൈംഗികാതിക്രമങ്ങളെ പ്രോത്സാഹിപ്പിക്കുന്ന രീതിയിലുള്ള പരസ്യങ്ങൾ പ്രചരിക്കുന്നതായി കണ്ടെത്തിയതിനെത്തുടർന്ന് കടുത്ത നടപടിയുമായി കേന്ദ്ര സർക്കാർ. ഈ വിഷയത്തിൽ അടിയന്തരമായി വിശദീകരണം നൽകാൻ മെറ്റാ അധികൃതരോട് കേന്ദ്ര ഐടി മന്ത്രാലയം നിർദേശിച്ചു. ബി.ബി.സി നടത്തിയ അന്വേഷണ റിപ്പോർട്ടാണ് ഈ ഞെട്ടിപ്പിക്കുന്ന വിവരങ്ങൾ പുറത്തുകൊണ്ടുവന്നത്. ഇൻസ്റ്റാഗ്രാമിൽ പ്രത്യക്ഷപ്പെട്ട ഇത്തരം പരസ്യങ്ങളിൽ ലൈംഗികച്ചുവയുള്ള വാക്കുകൾ ഉപയോഗിക്കുകയും, കുട്ടികൾക്കെതിരായ അതിക്രമങ്ങൾ അടങ്ങിയ ദൃശ്യങ്ങൾ വിൽക്കുന്ന ടെലഗ്രാം ചാനലുകളിലേക്ക് ഉപയോക്താക്കളെ നയിക്കുകയും ചെയ്യുന്നതായി കണ്ടെത്തി. പ്ലാറ്റ്‌ഫോമിൽ ഓട്ടോമേറ്റഡ്, മാനുവൽ സ്ക്രീനിംഗ് സംവിധാനങ്ങൾ […]