താരസംഘടനയായ ‘അമ്മ’യിൽ നിലനിന്നിരുന്ന പ്രതിസന്ധികൾക്കും അധികാര തർക്കങ്ങൾക്കും ഇടയിൽ, സംഘടനയുടെ പ്രവർത്തനങ്ങൾ കൂടുതൽ സുതാര്യവും പക്വവുമാക്കാൻ ലക്ഷ്യമിട്ട് പ്രസിഡന്റ് ശ്വേതാ മേനോനും എക്സിക്യൂട്ടീവ് കമ്മിറ്റിയും അംഗങ്ങൾക്ക് തുറന്ന കത്തയച്ചു. കഴിഞ്ഞ ജൂൺ 21-ലെ ജനറൽ ബോഡി യോഗത്തിന് ശേഷം സംഘടനയിലുണ്ടായ സംഭവവികാസങ്ങളിൽ ഖേദം പ്രകടിപ്പിച്ച ഭരണസമിതി, പിഴവുകൾ തിരുത്തി മുന്നോട്ടുപോകുമെന്ന് ഉറപ്പുനൽകി. അനുഭവക്കുറവ് മൂലമാണ് സംഘടനയിൽ മുൻപ് ചില വീഴ്ചകൾ സംഭവിച്ചതെന്നും, അത് ആത്മാർത്ഥമായ ആത്മപരിശോധനയിലൂടെ തിരിച്ചറിഞ്ഞ് പരിഹരിക്കാനുള്ള നടപടികൾ ഇതിനകം ആരംഭിച്ചു കഴിഞ്ഞതായും കത്തിൽ വ്യക്തമാക്കുന്നു. […]

മലയാള ചലച്ചിത്ര താരങ്ങളുടെ സംഘടനയായ ‘അമ്മ’ (AMMA) വീണ്ടും വലിയ ഭരണപ്രതിസന്ധിയിലേക്ക്. സംഘടന പൊതുജനമധ്യത്തിൽ പരിഹാസ്യമായി മാറിയെന്നും, ഈ അവസ്ഥയ്ക്ക് താനടക്കമുള്ള നിലവിലെ ഭരണസമിതി അംഗങ്ങൾ ഉത്തരവാദികളാണെന്നും ചൂണ്ടിക്കാട്ടി നടൻ ജോയ് മാത്യു നേതൃസ്ഥാനത്തുനിന്ന് രാജിവെച്ചു. ജോയ് മാത്യുവിന് പുറമെ നടന്മാരായ കൈലാഷ്, ജയൻ ചേർത്തല എന്നിവരും ഔദ്യോഗികമായി രാജിക്കത്ത് നൽകി. സംഘടനയിൽ നിലനിൽക്കുന്ന ആഭ്യന്തര കലഹങ്ങളും നേതൃത്വത്തെച്ചൊല്ലിയുള്ള തർക്കങ്ങളും രൂക്ഷമായതോടെയാണ് ഇത്തരമൊരു കടുത്ത തീരുമാനത്തിലേക്ക് അംഗങ്ങൾ എത്തിയത്. പ്രസിഡന്റ് ശ്വേത മേനോൻ ഉൾപ്പെടെയുള്ള ഭരണസമിതിയുടെ നിലനിൽപ്പും, […]